ՀՌՀ նախագահ Տիգրան Հակոբյանը խուսափում է Հանրային հեռուստաընկերությանը գնահատական տալուց.Մեդիա պաշտպան
Հարկատուների գումարներով ֆինանսավորվող Հանրային հեռուստաընկերության լուրերով հեռարձակված ակնհայտ իշխանական քարոզ պարունակող և անմեղության կանխավարկածը ոտնահարող տեսանյութի վերաբերյալ «Մեդիա պաշտպան» նախաձեռնությունը պարզաբանումներ է ստացել ՀՌՀ ղեկավար Տիգրան Հակոբյանից։
«Մեզ հետ զրույցում Տիգրան Հակոբյանը նշեց, որ կարծիք չունի տեսանյութի վերաբերյալ և հավելեց, որ Հանրային հեռուստաընկերություն չի դիտում։ Նա նշելէ , որ ՀՌՀ-ն չի զբաղվում նման խնդիրներով. «Հանրային Հեռուստաընկերությունն իր խորհուրդն ունի, որի լիազորությունների մեջ մտնում է այդ ամենն, ինչի մասին դուք ասում եք»։
Մեր պարզաբանող հարցին՝ արդյոք ճի՞շտ է, որ իրենք իրենցով զբաղվեն, Տիգրան Հակոբյանը կարճ պատասխանեց՝ այո, ճիշտ է։
Տիգրան Հակոբյանի հայտարարությունը մեզ տարօրինակ թվաց, քանի որ ստացվում է, որ ՀՌՀ նախագահը հարկատուների գումարներով ֆինանսավորվող Հանրային հեռուստաընկերության եթերին չի հետևում, բայց հետևում է մասնավոր հեռուստաընկերությունների եթերին և ժամանակ առ ժամանակ դրանց եթերային բովանդակության վերաբերյալ մոնիթորինգային տվյալներ է հրապարակում իր ֆեյսբուքյան էջում: Նաև հիշեցնենք, որ հունվարի 29-ին ՀՌՀ ղեկավարը հրավիրված ասուլիսում նշել էր, որ ՀՌՀ մոնիթորինգի թիմը հետևում է հեռուստաընկերություններին։
Ստացվում է, որ կա՛մ ՀՌՀ աշխատակիցներն են թերացել իրենց գործում և չեն նկատել հարկատուների գումարներով ֆինանսավորվող Հանրային հեռուստաընկերության ակնհայտ իշխանական քաղաքական քարոզչությունը, կա՛մ մոնիթորինգի թիմն ուղղակի չի զեկուցել Տիգրան Հակոբյանին Հանրային հեռուստաընկերության լուրերի բաժնով հեռարձակվող իշխանական քաղաքական քարոզչանյութի մասին:
Տարօրինակ է նաև հանգամանքը, որ վարչապետ Փաշինյանի քաղաքական նախասիրություններին հարմարեցված և, ըստ մամուլի հրապարակումների, վարչապետ Փաշինյանի անմիջական մասնակցությամբ պատրաստված Հանրային հեռուստաընկերության տեսանյութն իր ֆեյսբուքյան էջով տարածում է անձամբ վարչապետը, ինչը նշանակում է, որ վարչապետ Փաշինյանը Հանրային հեռուստաընկերության եթերը դիտում է և կարծիք ունի, իսկ ՀՌՀ ղեկավար Տիգրան Հակոբյանը ոչ դիտում է, ոչ էլ Հանրային հեռուստաընկերության գործունեության վերաբերյալ կարծիք ունի: Այնուամենայնիվ, տարօրինակություններն այսքանով չեն ավարտվում. «Մեդիա պաշտպան» նախաձեռնությանը տված մեկնաբանությունից րոպեներ անց պարոն Հակոբյանն իր ֆեյսբուքյան էջով հրապարակեց Հանրային հեռուստաընկերության եթերային բովանդակության մոնիթորինգային տվյալներ:
«Մեդիա պաշտպան» նախաձեռնությունը կոչ է անում ՀՌՀ նախագահ Տիգրան Հակոբյանին հստակ գնահատական տալ Հանրային հեռուստաընկերության լուրերի թողարկման հունվարի 29-ի հայտնի տեսանյութին և կողմնորոշվել՝ ՀՌՀ-ը հարկատուների գումարներով գործող Հանրային հեռուստաընկերության եթերը մոնիթորինգի ենթարկու՞մ է, թե՞ ոչ»,- նշված է հաղորդագրության մեջ:
Լրահոս
Տեսանյութեր
Գիշեր-ցերեկ կաշխատենք, միայն առաջվա Հայաստանում ապրենք. Քաղաքացիները՝ աշխատաժամանակի կրճատման մասին
