Ձեր վստահելի աղբյուրը

ԱՆ-ն, այն դեպքում, երբ կորոնավիրուսի միջազգային արտակարգ դրություն է հայտարարվել, ասուլիս է անում բժշկական կենտրոններում՝ անհաշվելի վարակներ դրսից ներս տանելով։ Առողջապահության նախարար Արսեն Թորոսյանը նախ ներողություն խնդրեց ուշանալու համար, թուղթ ուզեց հարցերը գրելու համար: Այնուհետև  լրագրողներին ասաց, որ 99,9 տոկոս հավանականությամբ այս պահին Հայաստանում որևէ դեպք չունեն: 

Նա տեղեկացրեց, որ քիչ առաջ տեղի է ունեցավ վարչապետի որոշմամբ  կորոնավիրուսի համաճարակի դեմ պայքարի  համար ստեղծված միջգերատեսչական  հանձնաժողովի առաջին նիստը, քննարկել են  ստեղծված իրավիճակը, կատարված քայլեը և ապագային միտված անելիքները:  Նախարարն ասաց, որ քննարկել են նաև Չինաստանի քաղաքացիների մուտքի սահմանափակումների հարցը, որի վերաբերյալ 1-2 օրում որոշում կկայացավի, քանի որ  դա ենթադրում է միջազգային պարտավորությունների  շրջանակներում փոփոխություններ:

«Այն բոլոր միջոցառումները, որոնք նախատեսված են Առողջապահության համաշխարահային կազմակերպության միջազգային բժշկական կանոններով, որին մեր երկիրը վաղուց անդամակցում է և տիրապետում է, կատարվում են: Դրա մեջ է մտնում սահմանային հսկողությունից սկսկած մինչև պացիենտների վերջնական ախտորոշումը և վարումը»,- նշեց Ա. Թորոսյանը:

Նախարարի խոսքով, այսօր բոլորը խնդիր ունեն կապված բժշկական ախտորոշիչ թեստերի հետ. «Քանի որ հիվանդությունը  նոր է, ախտորոիշիչ թեստը նոր է մշակվում, այսինքն չկա այդ թեստը: Սակայն  այսօր առավոտյան արդեն պայմանավորվածություն ունենք մի չինական  արտադրողի հետ թեստեր ձեռք բերելու  համար, և մեր դեսպանատունը մի քանի ժամում ձեռք կբերի ու կուղարկի Հայաստան, որպեսզի  անհրաժեշտության դեպքում դրանք կիրառվեն»:

Ա. Թորոսյանի խոսքով, սահամանային անցակետերից սկսած մինչև հիվանդության վերջնական ախտորոշում և բուժում մի ամբողջական միջոցառումների ցանկ է: Նրա գնահատմամբ, վերջին օրերին սահմանային անցակետերում կատարվող աշխատանքը լավ է, ներուժ է ավելացվել: Նախարարը նշեց, որ Չինաստանից ժամանած ուղևորների ընթացիկ հսկողություն են իրականացնում, օրինակ՝ այցելություններ հյունացոներ:

«Այս պահին անհանգստանալու լուրջ առիթ չկա, ինչ պետք է, արվում է։ Դիմակ կրելու անհրաժեշտություն այս պահին չկա:»,- ասաց Ա. Թորոսյանը: