Ձեր վստահելի աղբյուրը

Եվրասիական տնտեսական միության (ԵԱՏՄ) անդամ երկրները քննարկում են որոշ հարցերի մասով  ազգային կառավարությունների վետոյի իրավունքից հրաժարվելու հնարավորությունը և դրանց վերաբերյալ որոշումներ կայացնելու իրավունքը  վերպետական մակարդակի փոխանցելու հարցը: Այս մասին ասել է  Եվրասիական տնտեսական հանձնաժողովի   Խորհրդի նախագահ Տիգրան Սարգսյանը, փոխանցում է ria.ru-ն:

«Ես ներկայացրեցի մի քանի հիմնախնդիրներ, որոնք քննարկեցինք այսօր: Առաջին հերթին՝ որ  դեպքերում է հնարավոր հրաժարվել  վետոյի իրավունքից և փոխանցել վերազգային գործառույթները վերազգային մարմնին», - տեղեկացրել է նա լրագրողներին,  Եվրասիական միջկառավարական խորհրդի նիստից հետո: 

Նրա խոսքով ՝ սա քննարկման ենթակա կարևոր  հարց է:

«Եթե ազգային իշխանությունը  պահում  է վետոյի իրավունքը, ապա այն թույլ է տալիս պահպանել   ազգային սուվերենությունը:  Բայց, մյուս կողմից, եթե մենք ուզում ենք  ամրապնդել  մեր միությունը, ակնհայտ է, և բոլորն են  համաձայն  դրա  հետ, որ կան որոշ գործառույթներ, որոնք անհրաժեշտ է փոխանցել  վերազգային մարմիններին », - ասել է  նա:

Միևնույն ժամանակ, նա շեշտել է , որ եթե  կառավարությունները հրաժարվեն վետոյի իրավունքից , այն  կհանգեցնի  վերպետական մարմնի պատասխանատվության բարձրացման:

«Սա այնպիսի հիմնարար, կարևոր, քաղաքական խնդիր է,որ   վստահ եմ  միջկառավարական խորհրդի հաջորդ նիստի ընթացքում   մենք կկարողանանք համաձայնության գալ այս հարցի շուրջ», - եզրափակել է  նա: