Ձեր վստահելի աղբյուրը

Զինված ուժերի գլխավոր շտաբի պետ Արտակ Դավթյանի մասնակցությամբ Ազգային ժողովի ապրիլյան պատերազմի դեպքերը քննող հանձնաժողովի նիստն ավարտվեց։ 

Ճեպազրույցի ընթացքում Դավթյանը պատասխանելով լրագրողների հարցերին ՝ անդրադարձավ նաև  խաղաղ պայմաններում զոհերին և  զինվորների ինքնասպանությունների թվի աճին: 

«Ցանկացած հզոր բանակ՝ Ամերիկայի, Իսրայելի,որոնք ինչ-որ ձևով խնդիր են կատարում, վերցրեք նույն ինքնասպանությունների քանակն ու  համեմատեք: Իհարկե, դա արդարացման խնդիր չի, ունենք բացթողումներ: Մենք էլ ենք տեսնում այդ խնդիրները: Վարչապետը հայտարարեց, որ անցած տարի ամենաքիչ զոհերն են եղել, մեծ աղմուկ բարձրացավ: Հա,որ քիչ ա զոհերը՝ ասենք շատ ա,  հանգստանա՞նք: Մեր նպատակն է, որ զոհ չունենանք, ուզում ենք դա, եթե ձևը գիտեք արեք միասին աշխատենք: Էտ ձևը կտարածենք աշխարհի մյուս բանակների վրա էլ»,- պարզաբանեց ԶՈՒ գլխավոր շտաբի պետը:

Հարցին, թե զինծառայողի մահվանից հետո հարազատները  բարձրաձայնում էին,որ բանակում զինվորը բռնության է ենթարկվել՝ ծեծի, Դավթյանն արձագանքեց.

«Բոլոր դեպքերով ընթանում են նախաքննական գործողություներ: Քրեական գործի շրջանակներում դատարանը կդնի վերջակետը: Քանի դատարանը չի դրել վերջակետ, ես ձեռնպահ կմնամ մեկնաբանությունից»: