Ձեր վստահելի աղբյուրը

«Նախագիծը ներկայացնողը նման նախագիծ ներկայացնելու հետ մի գրամ կապ չունի, եթե հաշվի առնենք իր մեկնաբանությունները»,- լրագրողների հետ զրույցում ասաց փաստաբան Տիգրան Խուրշուդյանը՝ անդրադառնալով սահմանադրական փոփոխությունների համար անցկացվող հանրաքվեին։

Փատաբանը նշում է, կա Սահմանադրություն, որով որոշակի գործընթացներ են սահմանված, որոնք ընդամենը պետք է պահպանել։

Սակայն, քանի որ արդեն նախագիծը « Իմ քայլը» խմբակցության անդամ Վահագն Հովակիմյանի կողմից ներկայացվել է, ըստ Խուրշուդյանի, քաղաքական թիմը ուզի-չուզի պետք է պաշտպանի։

«Ոնց որ նախկինում, մինչև հեղափոխություն, մեծամասնությունը չէր լսում փոքրամասնությանը, հիմա նույնը կրկնվում է։ Էն մարդիկ ասում են արեք, բայց դրան ձև կա։ Էս, էս, էս օղակները շրջանցելով՝ պետք չի անել մի բան, որը ինքնանպատակ է։ Էնքան որ, հարց է դրված, որ պետք է անեն։ Նույն իրավիճակն է ստեղծվում»,- նշեց Խուրշուդյանը։

Ըստ փաստաբանի, եթե նախկինում իշխանություններն ասում էին օրենքով են շարժվում և իրենք մեծամասնություն են, ապա ներկայում օգտագործվում է «ժողովուրդը ուզում է ու մենք պետք է անենք» տերմինը։

«Շուտով հայտնի իրադարձության 2 տարին կլրանա։ Ես մինչ օրս չեմ տեսել, որ ժողովուրդը լուրջ պահանջ ներկայացնի ՍԴ անդամների լիազորությունները դադարեցնելու ուղղությամբ։ Այլ պահանջներ ամեն օր տեսնում ենք՝ կառավարության, ԱԺ-ի դիմաց՝ բողոքի ակցիայի տեսքով»,- ընդգծեց Խուրշուդյանը։

Ըստ բանախոսի, անհասկանալի է, որ իշխանությունը խոսում է ժողովրդի անունից, քանի որ հայտնի չէ՝ երբ եղավ ժողովրդի պահանջը, ոնց եղավ ու ինչու հենց հիմա եղավ. «Երկու, մեկ տարի առաջ կարող էին այս հարցը բարձրացնել, չէ, հենց էս պահի՞ն։ Ենթադրում եմ, որ ինչ-որ բանի հետ կապված է»։

Հարցին, թե արդյոք ՍԴ խնդիրը իշխանությունը կապում է Հրայր Թովմասյանի անձի հետ, Խուրշուդյանը պատասխանեց՝ հնարավոր է, չի բացառվում։

«Լսել եմ նաև, որ խոսակցություն կա կապում են Քոչարյանի գործի հետ։ Ուղղակի ԱԺ-ում իմքայլական պատգամավորների ելույթներից, որոնց հիմնական մասը մասնագիտությամբ լրագրող է... կներեք, բայց լրագրողական մակարդակով նման հարց բարձրացնելն իմ համար մի քիչ ընդունելի չէ։ Ասում են՝ սա հեղափոխության վերջին բաստիոնն է, չգիտեմ՝ նկատի ունեն հենց Հրայր Թովմասյանին, թե ՍԴ 7 դատավորներին»,- նշեց Խուրշուդյանը։

Վերջինս համաձայն չէ կարծիքին, որ ՍԴ-ն հեղափոխության վերջին բաստիոնն է, քանի որ հեղափոխությունից հետո առաջին հերթին պետության մեջ փոխվում են ուժային կառույցների ղեկավարները և զուգահեռաբար ֆինանսական բլոկի պատասխանատուները. «Մեր մոտ դա չի եղել, չեմ հասկանում, թե ինչի են սկսել ժողովրդի անունից ասել, որ նա պահանջում է փոխել ՍԴ կազմը»։

Փաստաբանը հարցադրում արեց՝ ժողովուրդը չի՞ պահանջում գլխավոր դատախազի, դատախազական համակարգի հին, նախկինում եղած մոտեցումների փոփոխություն.

«Մենք տեսել ենք ոնց են աշխատել դատախազության մեծ մասը, ոստիկանական համակարգը, քննչական մարմինը, էնտեղ ամեն ինչ նորմա՞լ է, փոխել ենք, դատական համակարգում էլ դատավորների հետ կապված բոլոր բարեփոխումներն արել ենք, մնացել է սահմանադրական դատարա՞նը։ Լրագրողական մոտեցում է, էլի, էդ վերջին բաստիոն տերմինը։ Կներեք էլի, ի՞նչ բաստիոն, էդքան չե՞ք սիրում ձեր պետությունը»։

Փաստաբանը նշեց՝ ինչ տեսել է խորհրդարանում քննարկումների ժամանակ, նման է խորհրդային տարիներին նկարահանված «Белое солнце пустыни» ֆիլմին, որտեղ ասվում է «за державу, не обидно» (հայրենիքի համար սիրտը չի ցավում, խմբ.)։

«Էդքան չսիրել պետությունը, տենց ելույթնե՞ր... մատներ թափ տալով ԱԺ-ում խոսում են, բերանները ծռմռելով խոսել, էդ ինչ պահվածք է ընդհանրապես, տարրական էթիկայի հարց է։ Ի՞նչ կապ ունի, որ դու մեծամասնություն ես, ինչի՞ ես խոսում մյուս էն էլ տարիների փորձ ունեցող կուսակցության նախագահի կամ պատգամավորների հետ։ Դու մի հատ քո անցյալը նայի, դու անցյալ ունե՞ս, որ անցյալ ունեցող մարդկանց հետ այդպես ես խոսում»,- ասաց Խուրշուդյանը։

Հարցին, թե սահմանադրական բարեփոխումներ անելու գործում շտապողականությունն արդյոք կարելի է կապել Ադրբեջանում և Արցախում սպասվող ընտրությունների հետ, որտեղ ՍԴ-ն պետք է լինելու իշխանությանը ցանկալի օրենքներ դակելու համար, Խուրշուդյանը պատասխանեց՝ չէ, այդ իրադարձությունները ավելի քաղաքական խնդիր են։

«Էս լարվածությունը մոտավորապես կարող եմ կապել նաև... ընդունեք մի պահ Վահե Գրիգորյանի հետ կապված. Էդ մարդը աշխատանքի, ընտրվեց, եղբայր գնա աշխատի, կարող ա էդ մարդիկ աշխատում են էնպես, ոնց դու չես էլ պատկերացրել, որ էդ աշխատանքը էնպես ա կազմակերպվել, որ դու աշխատես, հասկանաս, որ էդ խնդիրը չկա։ Եթե դուք խոսում եք ճգնաժամի մասին, ասում են ճգնաժամ ա ստեղծվել ՍԴ-ում, ես էլ իմ սուբյեկտիվ կարծիքն եմ ասում՝ ճգնաժամ է ստեղծվել ԱԺ-ում։ Հիմա ասում եմ, պարոն Փաշինյան ջան, էս ԱԺ-ով իմ սուբեկտիվ կարծիքն է, երկար ճանապարհ չունեք գնալու, չի կարելի նման մոտեցմամբ տենց հեռանկարներում ինչ-որ ծրագրեր, հայրենիքի բարգավաճում, ժողովրդի վիճակի լավացման գնալ»,- նշեց Խուրշուդյանը։