Խաչատուրյան քույրերի դեմ հարուցված քրգործը դեռ չի փոխվի «անհրաժեշտ ինքնապաշտպանության»
ՌԴ քննչական կոմիտեն բողոքարկել է Գլխավոր դատախազության որոշումը, որում նշվում է, որ Խաչատուրյան քույրերի մեղադրական հոդվածը վերաորակելու անհրաժեշտություն կա: 360tv.ru-ին պատմել է տուժածի փաստաբանը: Մարիան, Անգելինան և Քրիստինան ինչպես նախկինում, հիմա էլ մեղադրվում են նախնական պայմանավորվածությամբ սպանության մեջ:
Ավելի վաղ քույրերի պաշտպան Ալեքսեյ Պարշինը հայտարարել էր, գործը վերաորակավորվելու է անհրաժեշտ պաշտպանության, իսկ իր պաշտպանյալների նկատամբ քրեական հետապնդումը դադարեցվելու է: Բայց պարզվել է, որ Գլխավոր դատախազության որոշումը, որին հղում է արել պաշտպանը, թվագրվում է 2019 թ. դեկտեմբերի 12: Քննիչներն այն արդեն բողոքարկել են:
Գլխավոր դատախազությունը վերադարձրելէ Խաչատուրյան քույրերի գործը հետագա քննության` հանցագործության դրդապատճառը ստուգելու համար: Մարիայի, Անգելինայի և Քրիստինայի ամակագրության ուսումնասիրությունը ցույց է տալիս, որ նրանք կատարել են իրենց հոր սպանությունը շահադիտական նպատակներից ելնելով: Բացի այդ, դատախազությունը կասկածի տակ է դրել հոգեբանական և հոգեբուժական փորձաքննության արդյունքները:
«Դատախազությունը կասկածի տակ է դրել, որ սպանության պահին քույրերից կրտսերը՝ Մարիան, լիովին չի գիտակցել իր գործողությունները, իսկ Քրիստինան և Անգելինան միայն մասամբ են հասկացել դրանք: Մոտ ժամանակներս կանցկացվի կրկնակի փորձաքննություն:
Բայց այս պահին որևէ ինքնապաշտպանության մասին խոսք չի գնում: Քույրերի նամակագրության մեջ, որը քննիչներին հաջողվել է վերականգնել, ակնհայտորեն երևում է, որ աղջիկները վախենում էին պատժվել գումարի յուրացման համար և նախատեսել էին հաժվեհարդար տեսնել հոր նկատմամբ: Այս առումով հանցագործության դրդապատճառը կարող է փոխվել», - ասում է տուժող կողմի փաստաբան Գեորգի Չուգուաշվիլին:
Մոսկվայում 2018 թ. հուլիսի 27-ին Քրիստինան, Անգելինան և Մարիան սպանել են իրենց հոր՝ 57-ամյա Միխայիլ Խաչատուրյանին, դանակով հարվածելով պարանոցին և կրծքավանդակին։ Աղջիկները խոստովանել են իրենց կատարած հանցանքը և բացատրել, որ նա երկար ժամանակ իրենց բարոյական տառապանքներ է պատճառել։ 2018 թ. սեպտեմբերի 27-ին Մոսկվայի Բասմաննի դատարանը փոխել էր Խաչատուրյան երեք քույրերի խափանման միջոց կալանքը և ընտրել որոշակի գործողություններ կատարելու արգելքի տեսքով խափանման միջոց։ Ավելի ուշ քույրերն ազատվել էին նաև էլեկտրոնայիան շղթայից:
Հարակից հրապարակումներ`
- ՌԴ Գլխավոր դատախազությունը Խաչատուրյան քույրերի գործողությունները համարել է անհրաժեշտ պաշտպանություն
- ՔԿ ծառայությունը հանել է Խաչատուրյան քույրերից կրտսերի էլեկտրոնային շղթան
- Խաչատուրյան քույրերի հոգեբուժական փորձաքննությունների արդյունքները պարզ են
- Հանուն ինչի է Խաչատուրյան քույրերի հայրը օգտագործել դատախազի հետ կապերը
- Խաչատուրյան քույրերը խնդրել են երդվյալ ատենակալներ
- Խաչատուրյան քույրերի խափանման միջոցը երկարաձգվել է
- Խաչատուրյան քույրերի հոր բժշկական փորձաքննության արդյունքը
- Հորը սպանելուց հետո Խաչատուրյան քույրերից մեկը զանգել է ոստիկանություն
- Պաշտպան. Ուզում են Խաչատուրյան քույրերին զրպարտել
- Խաչատուրյան քույրերի փաստաբանը հերքել է, որ նրանց հոր դեմ ՔԿ-ն հրաժարվել է գործ հարուցել
- Խաչատուրյան քույրերի խափանման միջոցը կրկին երկարաձգվել է
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
