Ձեր վստահելի աղբյուրը

ՀՀ Ազգային ժողովի աշխատակազմի ղեկավարի նախկին տեղակալ, իրավաբան Արսեն Բաբայանը լրագրողների հետ հանդիպմանը հայտարարեց, որ ստիպված է գնալ իրավական գործընթացի՝ պաշտպանելու իր վերաբերյալ զարպարտությունները, որն իրակացվում է  ՀՀ վարչապետի կողմից:

«Իմ փաստաբանների հետ քննարկումների մեջ եմ, պատրաստվում եմ դիմել դատարան՝  պահաջնելով Հայաստանի վարչապետից, որպեսզի Ազգային ժողովի ամբիոնից  հերքի իր  հայտնած տեղեկությունները կապված իմ վերաբերյալ  քրեական  գործի հետ, ներողություն խնդրի: Ունեմ  նման տրամադրվածություն, որպեսզի գնամ, իրավունքների պաշտպանության փնտրեմ դատարաններում»,-ասաց նա:

Խոսելով իր դեմ հարուցված քրեական գործի մասին՝ նա մանրամասներ հայտնեց՝ նախ նշելով, որ գործադիր և օրենսդիր իշխանությունների ամենաբարձր  ղեկավարության կողմից տևական ժամանակ է  հանրությանը տեղեկություններ են տրամադրում, որոնք  իրականությանը չեն համապատասխանում:

«Ամենասկզբում ինձ որպես կասկածյալ հարցաքննեցին ու ձերբակալեցին Քրեական օրենսգրքի 314-րդ հոդվածով, որը վերաբերում է  պաշտոնեական կեղծիքին:   Այդ հոդվածով ձերբակալությունն անհնար է, համաներմամբ անցնող հոդված էր: Այնուհետև իրենց  գործողությունները սրբագրելու, իրենց գործողություններին իրավաբանական տրամաբանության տալու համար որոշեցին մեղադրանք առաջադրել իշխանությունը յուրացնելու մեղադրանքով, որն իբր պետք էր կալանավորման համար հիմքեր ստեղծել: Իհարկե, առաջին ատյանի դատարանը ապօրինի թույլատրեց  կալանավորումը, վերաքննիչ դատարանը այդ որոշումը վերացրեց:

Ինչումն է կայանում մեղադրանքը: Ըստ ՀՔԾ-ի Սահմանադարական դատարանի նախկին նախագահը հրաժարականի դիմում է ներկայացեր ոչ թե մարտի 1-ին, այլ 5-ին: Որևէ աղերս չունի իրականության հետ, որովետև թե քրեական գործով ձեռք բերված փաստերով, ապացույցներով, թե Գագիկ Հարությունյանի՝ մամուլում տված հարցազրույցը հաստատում է, որ իր հրաժարականը ստորագրել է ամիս 1-ին: Որպեսզի կարողանան այս անհեթեթ միտքը զարգացնել, ՀՔԾ-ն փորձեց ներկայացել, իբրև հրաժարականի դիմումը ԱԺ է մուտաքրվել, ոչ թե մարտի 2-ին, այլ մարտի 5-ին: Ընդ որում, քրեական գործի նյութերում որևէ ապացույց գոյություն չունի, որ հրաժարականի փաստաթուղթը ԱԺ է մուտք եղել ամսի 5-ին, ընդհակառակը  ապացույց կան, որ մուտք է եղել ամիս 2-ին:

Ինչի համար է այս ամսի 2, 5 անտրամաբանական երևույթը: ՀՔԾ-ի կամ գործադիր իշխանությանը, քանի որ համոզվեցի, որ վարչապետն ամենայն մանրամասնությամբ  տեղեկացված է այս գործից, նպատակն այն է, թե իբրև եթե փաստաթուղթը մուտքագրվել է ամիս 5-ին, ապա Հրայր Թովմասյանը չէր կարող ընտրվել ՍԴ նախագահ մինչև 65 տարին լրանալը ժամկետով, այսինքն՝ պիտի գործեր ոչ թե նոր՝ 2016 թվականի ԱԺ կանոնակարգ օրենքը, այլ հինը՝ 2002 թվականինը»,- մանրամասնեց Ա.Բաբայանը:

Ինչ վերաբերում է իշխանության յուրացման մեջ իրեն առաջադրված մեղադրանքին, նրա խոսքով, անհեթեթություն է. «ՀԾՔ-ն կարծում է, որ եթե այսպիսի դեպք է տեղի ունեցել, մի խումբ մարդիկ, այդ թվում՝ ես, յուրացրել ենք Սահմանադրական դատարանի՝ ՍԴ նախագահ ընտրելու լիազորությունը: Նախ ասեմ, որ ՍԴ-ն նման լիազորություն չունի: Խոսքը գնում է  ՍԴ ձևավորման մասին:  Մենք արդեն գիտենք, որ իրավաբանությունը Հայաստանի Հանրապետությունում դարձել է հիբրիդային գիտություն, ու նույնիսկ այս մասնագիտական պրիմիտիվ հարցերում նրանք սխալներ են թույլ տալիս»:

Ա. Բաբայանն ասաց, որ երեկ տեղեկացել է՝ քննիչն  առարկություններ է ներկայկացրել դատախազություն կապված իշխանության յուրացման մեղադրանքի հետ: 

«Դատախազությունն ասել էր՝ իշխանության յուրացում, այսինքն օկուպացիա տեղի չէր ունեցել,  ինչպես  վարաչապետը մի քանի անգամ իր ասուլիսում հայտարարեց,  առավելագույնը պետք է գնան, քննեն, տեսնեն՝ իշխանության չարաշահում տեղի ունեցել է, թե ոչ: Իսկ այն, որ որ ներկայացրել են պաշտոնեական   կեղծքի, դա էլ չեն կարողացել հաստատել: Իմ գործով՝ իշխանության չարաշահում տեղի ունեցե՞լ է, թե՞ ոչ: Այս առնչությամբ դատախազության և ՀՔԾ-ի միջև  գնացել էր իրավաբական բանավեճ, քննարկումներ, դրա հետևանքով ես մինչև հիմա շարունակում եմ լինել մեղադրյալի կարգավիճակում»,-  նշեց նա:

Ա. Բաբայանն ընդգծեց, որ այս գործը հենց սկզբից պետք է կարճվեր, քրեական հետապնդումը դադարեցվեր: Նա ենթադրում է, որ ինչ-որ հարմար պահի, այդպես էլ կանեն:

«Շատ եմ ուզում հասնի դատարան, երբ քրեական գործի նյութերը  կարող ենք հրապարակել ու  բոլորդ ականատես լինեք  հիբրիդային քրեական գործի: Տեսնում ենք, որ ՀՀ-ում իշխանությունը մուտացիաների մեջ է, հետևաբար իրավական պրոցեսները դուրս են և օրինականության  սկզբունքներից, և ընդհանրապես իրավական տրամաբանությունից»,- նշեց նա: