Ձեր վստահելի աղբյուրը

Վրաստանի նախկին նախագահ Գիորգի Մարգվելաշվիլին հայտարարում է ակտիվ քաղաքականություն վերադառնալու մասին։

Այս մասին այսօր թվիթերում գրառում է կատարել Մարգվելաշվիլին։

«Ընտրելով ավտորիտարիզմը՝ Վրացական երազանքը հատեց կարմիր գծեր: Ոչ մի ժողովրդավարություն, ոչ մի ազգային միասնություն, ոչ մի արևմտյան ուղի: Չեմ դիտելու, թե ինչպես է  սա տեղի է ունենում: Վերադառնում եմ ակտիվ քաղաքականություն: Իմ ընկերների և վրաց ժողովրդի հետ միասին ծառայելու եմ մեր արևմտյան ընտրության առաքելությանը»,-գրել է Մարգվելաշվիլին։

Նշենք, որ Մարգվելաշվիլին Վրաստանի նախագահն էր 2013-ից 2018թ․ներին։ Մարգվելաշվիլին Վրացական երազանք կուսակցության անդամ էր, սակայն իր նախագահության ընթացքում էլ քննադատական էր վերաբերվում կուսակցության կողմից իշխանության կոնսոլիդացմանը։

By choosing authoritarianism, Georgian Dream crossed red lines. No democracy - no national unity, no western path. Won’t watch this happen. Returning to active politics. Will serve the mission of our western choice with my friends and the Georgian people.

— Giorgi Margvelashvili (@MargvelashviliG) February 17, 2020