Ձեր վստահելի աղբյուրը

Իրավապաշտպան Արսեն Բաբայանը «Ֆեյսբուքի» իր էջում գրառում է կատարել  տեղեկացնելով, որ  պատրաստվում է բողոքարկել ՀՔԾ-ի անգործության վերաբերյալ: Նա մասնավորապես գրել է.

«Ուզո՞ւմ եք իմանալ մեր իրավապահ մարմինների ողբալի վիճակը։ Հիմա ներկայացնեմ։

Իրականություն 1.

Ուրեմն ԱԺ-ում կատարված հանցագործության մասին գրություն եմ ուղարկում դատախազություն և ՀՔԾ, որտեղ մանրամասն ներկայացնում եմ բազմաթիվ փաստական տվյալներ, որոնք ակնհայտ վկայում են հանցագործության մասին, այդ երկու մարմիններից էլ ստանում եմ ի պատասխան գրություններ, թե իբր չի ներկայացվել փաստական տվյալներ ու չեն կարող քրեադատավարական ընթացակարգով քննության առնել դիմումում ներկայացված հանգամանքները։

Իրականություն 2.

Նարեկ Սամսոնյանը ֆեյսբուքյան կարճ գրառմամբ հայտնում է իր ստացած տեղեկությունը՝ ՀՔԾ-ում քրեական գործ է հարուցվում։

Սուրեն Պապիկյանն իր ուղիղ եթերում կոչ է անում ստուգել, թե ինչպես է իր մասին իբր գաղտնի տվյալները հասել «Հրապարակ» օրաթերթին՝ ՀՔԾ-ում գործ է հարուցվում։

Ու այս մարդիկ պնդում են, թե չեն կատարում քաղաքական հանձնարարություններ։ Երևի, ասում են ու հազիվ զսպում իրենց ծիծաղը։ Բայց դա ամենևին էլ ծիծաղելի չէ, դա ողբալի իրողություն է։

Գրությամբ բազմաթիվ փաստական տվյալների հետ հայտնում եմ, որ անհնար էր պատգամավորը կարողանար ամսի 9-ին քվեարկեր նույն ամսի 11-ին ԱԺ-ում ստացված օրենքի նախագծին, քանի որ պարզապես նա չէր կարող այդպիսի նախագիծ տեսներ, այն գոյություն չուներ։ Միայն այս փաստն ամբողջությամբ պարտադրում է իրավապահներին հարուցել քրեական գործ և կատարել նախաքննություն։

ՀՔԾ-ի անգործությունը կբողոքարկեմ։

Հ.Գ. հետո էլ նստում՝ տարբեր շրջանակներում, քննադատություններիցս եք դժգոհում»։