Ձեր վստահելի աղբյուրը

ԵՄ անդամ 27 երկրների առաջնորդները Սիրիայի հակամարտության կողմերին կոչ են արել անհապաղ դադարեցնել ռազմական գործողությունները Իդլիբի նահանգում: Այս մասին գրում է Ռուսական TASS  գործակալությունը։  Ըստ գործակալության տարածած հաղորդագրության, այդ մասին ասված ուրբաթ օրը Բրյուսելում անցկացվող պետությունների և կառավարությունների ղեկավարների արտահերթ նիստում  ընդունված հայտարարության մեջ:

Փաստաթղթում նշվում է, որ Սիրիայի հակամարտության կողմերը, ստանձնած պարտավորությունների համաձայն, պետք է ամբողջությամբ կատարեն սիրիական կարգավորման վերաբերյալ Սոչիում ձեռք բերված պայմանավորվածությունները: «ԵՄ-ն կրկին վճռականորեն կոչ է անում բոլոր կողմերին ապահովել հրադադարի հաստատման պահանջը, երաշխավորել խաղաղ բնակչության պաշտպանությունը և լիովին կատարել 2018 թվականի սեպտեմբերի 17-ի Սոչիի հուշագրով իրենց ստանձնած պարտավորությունները», - ասվում է հայտարարության մեջ:

ԵՄ առաջնորդները նաև  կոչ են արել չխոչընդոտել  ուղղակի  մարդասիրական հոսքերի հասանելիությունը բոլոր կարիքավորների համար: «Միջազգային հումանիտար և մարդու իրավունքների պաշտպանության  հարցերում խախտումների համար պատասխանատվությունը   ունեն առաջնային նշանակություն: Այդ պատճառով ԵՄ-ն կրկին կոչ է անում Սիրիայի իրավիճակի մասին հարցը կրկին հանձնել Միջազգային քրեական դատարան: ԵՄ-ն պարտավորվում է ուժեղացնել իր հումանիտար օգնությունը Իդլիբի խոցելի քաղաքացիական բնակչության համար»,–ասվում է Եվրախորհրդի հայտարարության մեջ։