Ձեր վստահելի աղբյուրը

«Բարգավաճ Հայաստան» խմբակցության պատգամավոր Սերգեյ Բագրատյանը ԱԺ լսումների ժամանակ Արդարադատության նախարարին փոխանցեց հանրային մտահոգություններն այն մասին, թե ապրիլի 5–ի սահմանադրական հանրաքվեի հետ կապված հարցերը որտեղ պետք է քննվեն, եթե ՍԴ–ն չպետք է իրականացնի իր հարցի քննությունը։

Արդարադատության նախարար Ռուստամ Բադասյանը, նկատելով, որ ՍԴ կարող են դիմել խմբակցությունները, եթե այնպիսի խախտումներ են եղել, որոնք ազդել են հանրաքվեի արդյունքների վրա, և հավելեց. «Ինչ վերաբերում է ձեր երկրորդ հացին, որով ինքնաբացարկի կամ մասնակցության անհնարինության հարցն եք բարձրացնում, դա արդեն ներքին հարց է։ Հարցի երկրորդ մասը, թե դիմում լինլու դեպքում ինքնաբացարկ անհրաժե՞շտ է ներկայացնել, թե անհրաժեշտ չէ՞, ապա բավական բարդ հարց եք տալիս, որի պատասխանը միանշանակ չէ»։

«Ես զարմանում եմ, որ դուք սպասում էիք, որ պետք է պարզ հարց տայի»,-արձագանքեց պատգամավորը և շարունակեց հարցը, թե նախարարը շահերի բախում չի տեսնում, որ 7 դատավորների հարցը պետք է դիտարկեն 9 դատավորներ, որոնցից 7–ը ներառված են այդ ցանկում։

«Այո, առերևույթ խնդիր տեսնում եմ», –ապտասխանեց արդարադատության նախարարը։