Ձեր վստահելի աղբյուրը

Իտալիայում գրանցվել է կորոնավիրուսի ավելի քան 200 դեպք՝ հաստատված 7 մահացությամբ։ Իտալիան Ասիայի սահմաններից դուրս ամենաշատ տուժած երկիրն է: Սակայն, մինչև Իտալիայի քաղաքներն ու գյուղերը մնում են փակ, միջսահմանային ճանապարհորդությունը կշարունակվի: Այս մասին գրում է DW-ն։

Նախօրեին Եվրահանձնաժողովը հայտարարել է, որ չի քննարկում դաշինքում Շենգեն գոտում սահմանների փակումը՝ ի պատասխան Իտալիայում աճող կորոնավիրուսի բռնկման:

Լրագրողների այն հարցին, թե արդյո՞ք Բրյուսելը ինչ-որ քայլեր ձեռնարկում է Իտալիայի հետ սահմանային սահմանափակումների առումով, ԵՄ առողջապահության և սննդի անվտանգության հարցերով հանձնակատար Ստելլա Կիրիակիդեսը նշել է, որ Առողջապահության համաշխարհային կազմակերպությունը խորհուրդ չի տվել Եվրոպայում ճանապարհորդական սահմանափակումներ կիրառել:

Կիրիակիդեսը նշել է, որ ցանկացած սահմանափակում պետք է լինի «համաչափ և համաձայնեցված» ԵՄ երկրների միջև:

Այնուամենայնիվ, նախօրեին Միլանից Լիոն ժամանակ ճանապարհորդական ավտոբուսի ուղևորներին թույլ չեն տալիս դուրս գալ այն բանից հետո, երբ վարորդը հոսպիտալացվել է նոր կորոնավիրուսի նման ախտանիշներով, հայտնում են անվտանգության աղբյուրները:

Ավստրիայում էլ իշխանությունները ժամանակավորապես դադարեցրել են սահմանային երկաթուղային երթևեկությունը հարևան Իտալիայից:

Հիշեցնենք, որ Եվրոպական ավելի քան 20 երկրների միջև սահմանային հսկողությունն առաջին անգամ վերացվեց 1990-ականների վերջին, բայց որոշ ստուգումներ նորից սկսվեցին 2015թ․-ին՝ եվրոպական միգրացիոն ճգնաժամի ընթացքում: