Հրանտ Մելիք-Շահնազարյան. Տեղեկատվական-քարոզչական ճակատը բաց է
Ռուսական առաջատար մամուլի միջոցներում Հայաստանի դեմ հարձակումն անսպասելի էր։ «Խոջալու-28. ինչպես հակազդել ադրբեջանական քարոզչությանը» թեմայով քննարկման ժամանակ հայտարարեց «Ոսկանապատ» վերլուծական կենտրոնի ղեկավար Հրանտ Մելիք-Շահնազարյանը։
«Մենք տեսանք, որ մեկ օրվա ընթացքում ռուսական առաջատար լրատվամիջոցներում, թերթերում բացահայտ քարոզչական բնույթ կրող և շատ միակողմանի, հայկական գործոնը շատ սև ներկայացնող նյութեր էին հրապարակվում»,-ասաց քաղաքագետը։
Նրա խոսքով, անսպասելի էր նաև այն, որ ռուսական այդ լրատվամիջոցների հետ հայկական կողմը տարիներ շարունակ աշխատանք է տարել, թեման անծանոթ չէր օտար մամուլին։
«Նախկինում հակահայկական քարոզչության ցանկացած նման փորձ արժանանում էր շատ լուրջ ու փաստարկված պատասխանի, և լրատվամիջոցները պարզապես խուսափում էին նման միակողմանի նյութեր հրապարակելուց՝ հասկանալով, որ իրենք ստանալու են պատասխան, որը նաև լուրջ հարված է լինելու իրենց հեղինակությանը՝ որպես օբյեկտիվ լրատվամիջոց»,-նկատեց քաղաքագետը։
Նրա խոսքով, նախկինում հետևողական ու լուրջ աշխատանք էր տարվում թե ռուսական պատկան մարմինների, թե գիտական համայնքի, թե լրատվամիջոցների հետ, որոնք ժամանակ առ ժամանակ հրավիրվում էին Հայաստան, այցեր էին կատարում այնվայրեր, որոնց մասին հրապարակումներ են ունեցել։
«Այդ աշխատանքի արդյունքում ինչոր չափով վերահսկելի ու կանխատեսելի էր դաձել ռուսական մամուլի, ինչպես նաև աևմտյան լրատվամիջոցների տեղեկատվական հոսքերը այնպիսի խնդրահարույց թեմաների վերաբերյալ, ինչպիսին Խոջալուն է»,-ասաց նա։
Մելիք-Շահնազարյանն ընդգծեց, նախկինում ԱԳ, Սփյուռքի նախարարությունները, նախագահի աշխատակազմն ակտիվորեն համագործակցում էին փորձագիտական շրջանակների հետ, սակայն հիմա այդ աշխատանքը կասեցված է։
«Օրինակ, խոսելով Խոջալուի մասին, վարչապետ Փաշինյանը հղում է կատարում բացառապես Մութալիբովի հայտարարությանը, այն պարագայում, երբ հայկական կողմի մարդասիրական քայլի մասին բազում այլ ապացույցներ կան։ Բազմաթիվ ապացույցներ կան նաև սեփական ժողովրդին կրակի բերան թողնելու, հետագայում այդ զոհերը քաղաքական նպատակով շահարկելու Ադրբեջանի մտադրության մասին։ Փորձագետների հետ համագործակցությունը թուլացնելու հետևանքով տեսնում ենք, որ Հայաստանի իշխանությունները փաստագրական բազան լիարժեք չեն օգտագործում, ինչը հնարավորություն է տալիս հակառակորդին։ Ըստ էության, տեղեկատվական-քարոզչական ճակատը բաց է, և ահա այսպիսի գրոհով կարողացան լուրջ հաջողության հասնել, ազդել Հայաստանի բնակչության տրամադրվածության վրա»,-նշեց քննարկումը նախաձեռնող կենտրոնի հիմնադիրը։
Նա հետևել է սոցցանցերի քննարկումներին, եկել եզրակացության, որ հայաստանցինեը սկսել են շրջանառել ադրբեջանական կողմի թեզերը, մինչդեռ հարկավոր է ժամ առաջ դրան դիմակայել, տրամադրել բնակչությանը, իշխանությանն ու այդ քարոզչությանն արձագանքողներին փաստարկներ, ցույց տալ ուղղություններ, թե ինչպես է պետք աշխատել։
Հարակից հրապարակումներ`
- Արման Սաղաթելյան. Իշխանություններից 20 ժամ պահանջվեց, որ ֆիքսեն՝ Խոջալուի դեպքերի մասին հրապարակումը ադրբեջանական պատվեր է
- Խոջալուի դեպքերի մասին Ադրբեջանի նախկին նախագահ Այազ Մութալիբովի հետ հայտնի հարցազրույցի հեղինակը վերահաստատում է տպագրվածը
- Խոջալու. Պատերազմում զոհված ճշմարտություն
- Ռուս լրագրողը չի հաստատել Խոջալուի փախստական կնոջ վերաբերյալ ադրբեջանական քարոզչամեքենայի հերյուրանքը
- «Խաղարկելով «Խոջալուի» քարտը, Բաքուն միջազգային հանրության ուշադրությունը շեղում է Սումգայիթի ցեղասպանությունից»
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
