Ձեր վստահելի աղբյուրը

«Հրապարակ» թերթը գրում է. «Ռոբերտ Քոչարյանի ազատության հանձնախումբն այսօր «Էրեբունի պլազայում» կազմակերպել է «Մարտի 1-ի գործը՝ հետհեղափոխական Հայաստանում» տեղեկատվական կոնֆերանսը, որի ընթացքում կներկայացվեն նյութեր, որոնք մինչ այժմ չեն ներկայացվել։ Կոնֆերանսի աշխատանքներին մասնակցելու են և զեկույցներով են հանդես գալու փաստաբաններ Արամ Օրբելյանը, Հայկ Ալումյանը, Հովհաննես Խուդոյանը, Սարգիս Գրիգորյանը։ Կլինեն նաև այլ բանախոսներ, որոնք կխոսեն քաղաքական թեմաներով։

Արամ Օրբելյանն ասաց, որ իր տեղեկությամբ՝ Մարտի 1-ի իրադարձություններից նոր տեսանյութեր կան, որոնց մի մասը համացանցում արդեն ցուցադրվել է, այնտեղ երևում է, թե ինչպես են ցուցարարները մարտական զենքով կրակում, դրանք այսօր կցուցադրվեն։ «Բացի դրանից, քննարկելու են «Վիքիլիքսի» նյութերը և դրանց ազդեցությունն էդ պրոցեսի վրա, փաստաբաններն էլ ներկայացնելու են հարցեր, այդ թվում՝ զորքի օգտագործման օրինականության, ՀՀ Քրեական օրենսգրքի 300 և 300.1 հոդվածները, անձեռնմխելիության հետ կապված օրենքները, թե ինչու պետք է գործը կարճվի և այլն»,- ասաց նա։ Մասնագետները ներկայացնելու են նաև Մարտի 1-ի գործում փաստերի խեղաթյուրման հետ կապված հարցերը»:

Մանրամասները թերթի այսօրվա համարում: