Ձեր վստահելի աղբյուրը

Ռոբերտ Քոչարյանի ազատության հանձնախմբի կողմից կազմակերպած «Մարտի 1-ի գործը՝ հետհեղափոխական Հայաստանում» տեղեկատվական կոնֆերանսի ժամանակ ՀՀ երկրորդ նախագահ Ռոբերտ Քոչարյանի գրասենյակի համակարգող Բագրատ Միկոյանն անդրադարձավ մարտի 1-ի դեպքերի հետ կապված այն հանգամանքին, որ ոստիկանական մեքենան վրաերթի է ենթարկել երկու ցուցարարի:

«Այս վիլիսը ոստիկանության Գուգարքի բաժնի վիլիսն է, որով պարեկապահակային ծառայություն էին անցկացնում երեք ոստիկան: Երեքն էլ ծեծի են ենթարկվում ու մեկը պարզապես միայնակ փորձում է գազազած ամբոխից ճողոպրել», - ասաց նա:

Բ. Միկոյանը նշեց, որ ղեկին գտնվող ոստիկանը դուրս է եկել, որպեսզի փախչի, դաժան ծեծի է ենթարկվել ցուցարարների կողմից: Ոստիկանների ծեծի ենթարկելու ժամանակ նրանցից մեկից խլվել է նրա «Մակարով» զենքը:

«Այս վիլիսի, իբր վրաերթի հետ կապված միֆը ծնվել է հենց մարտի 1-ին  ցույցի ժամանակ: Ոստիկանության վիլիսի հետ կապված լուրերը հետագայում մի քանի օր անց Ազգային ժողովի ամբիոնից շրջանառել է Ստյոպա Սաֆարյանը:  Նա մի քանի օր հետ հրավիրվել էր ՀՔԾ, ասել է, որ անձամբ չի տեսել, որ ոստիկանական ավտոմեքենան վրաերթի ենթարկի որևէ անձի, տեսել է բազմության մեջ մխրճվող  ոստիկանական վիլիսը, վրաերթի դեպքի մասին հայտնել է իրեն անծանոթ մի տղամարդ»,- ասաց Ռոբերտ Քոչարյանի գրասենյակի համակարգողը: