Ձեր վստահելի աղբյուրը

ԱԺ նախկին նախագահ Արա Բաբլոյանի և ԱԺ աշխատակազմի ղեկավարի նախկին տեղակալ Արսեն Բաբայանի նկատմամբ հարուցված քրեական գործն ուղարկվել է դատարան: Panorama.am-ին հայտնեց գլխավոր դատախազության հանրային կապերի բաժնի պետ Արևիկ Խաչատրյանը:

Հիշեցնենք, որ դատախազությունը նախորդ երկու անգամները չէր հաստատել մեղադրական եզրակացությունը, գործը հետ էր ուղարկել քննիչին՝ մեղադրանքի վերաորակավորման համար։

Արդյունքում հատուկ քննչական ծառայությունը Բաբայանին առաջադրված իշխանության յուրացման մեղադրանքը փոխեց  պաշտոնական լիազորությունների չարաշահման մեղադրանքով, որն անզգուշությամբ առաջացրել է ծանր հետևանք։

Արա Բաբլոյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ (պաշտոնեական լիազորությունները չարաշեհելը, որն առաջացրել է ծանր հետևանքներ) և 314-րդ հոդվածի 1-ին մասերով (շահադիտական նպատակով կամ անձնական այլ դրդումներով կամ խմբային շահերից ելնելով՝ պաշտոնեական կեղծիք կատարելը), իսկ Արսեն Բաբայանին` ՀՀ քրեական օրենսգրքի 38-308-րդ հոդվածի 2-րդ (պաշտոնեական լիազորությունները չարաշահելուն հանցակցելը) և 314-րդ հոդվածի 1-ին մասերով։

«Շատ հետաքրքիր դատաքննություն է սպասվում, եթե իհարկե դատախազությունն այս անգամ հաստատի մեղադրական եզրակացությունն ու գործն ուղարկի դատարան։ Ամենահետաքրքիրը դեռ առջևում է, իսկ քրեական գործի նյութերով, ինչպես ավելի վաղ հայտնել է, ապացուցվել է հանցադեպի բացակայությունը։ Դատարանում քաղաքական իշխանությանը շատ հետաքրքիր խայտառակություն է սպասվում»,-ավելի վաղ հայտարարել էր Արսեն Բաբայանը։