Ձեր վստահելի աղբյուրը

«Ժողովրդագրական ճգնաժամի մոտեցող խնդիները հնարավոր չէ լուծել այսօր առկա դրվագային մոտեցմամբ»,- ՀՅԴ-ի նախաձեռնած սոցիալ-տնտեսական զարգացման առկա խնդիրների վերաբերյալ համաժողովին ասաց ՀՅԴ  ԳՄ ներկայացուցիչ Իշխան Սաղաթլյանը:

Նրա խոսքով, իրականում անհրաժեշտ է  ժողովրդագրական զարգացման ռազմավարական համալիր աջակցություն անհրաժեշտ բոլոր ուղղություններով՝ ծնելիության խթանում, արտագաղթի կանխում և ներգաղթ, տարածքային համաչափ զարգացում, կյանքի որակի բարելավում:
Ի. Սաղաթելյանն ասաց, որ խնդիրները բազմակողմանի ու բարդ են, որոնց հավաքական  լուծումները պահանջում են կառավարական կայուն հենք և սկզբունքներ, հանրության լայն  և իրական մասնակցություն, պետական կայուն և  չափելի ծրագրեր տեսանելի և չափելի արդյունքներով:

ՀՅԴ-ական գործիչը նշեց, որ պետական կայուն ծրագրերի աջակցությամբ և մասնավորի մասնակցությամբ պետք է ձևավորվի աճի առաջնային բևեռներ, ՓՄՁ-ներ, գիտելիքահեն  ճյուղեր, զբոսաշրջության ներուժ ունեցող բնակավայրեր, ռազմական արդյունաբերության, բարձր տեխնոլոգիական բնագավառներ խոշոր ներդրումներով և նոր աշխատատեղեր ստեղծող առանձին ձեռնարկություններ, հատկապես  սահմանամերձ ու բարձր լեռնային բնակավայրերում:

ՀՅԴ Գերագույն մարմինը նախաձեռնում է պարբերական քննարկումների շարք՝ կարևորելով ՀՀ սոցիալ-տնտեսական զարգացման առկա խնդիրների համակողմանի և առարկայական գնահատման անհրաժեշտությունը, դրանց իրական լուծումներին ուղղված քաղաքական բազմակողմանի և շահագրգիռ քննարկում: Համաժողովին հրավիրված են խորհրդարանական և արտախորհրդարանական, իշխանական և ընդդիմադիր քաղաքական ուժերի, քաղաքացիական հասարակության, մասնագիտական և փորձագիտական լայն շրջանակի ներկայացուցիչներ: