Ձեր վստահելի աղբյուրը

Միջին աշխատավարձը 2018 թվականին աճել է 2  տոկոս, 2019-ին՝ 6 տոկոս, որի հիմնական բաժինը վերաբերում է  պետական աշխատավարձերին,  բարձրաստիճանների  աշխատավարձի նաև եռապատկան արդյունքում: ՀՅԴ-ն նախաձեռնած սոցիալ-տնտեսական զարգացման առկա խնդիրների վերաբերյալ համաժողովին ասաց ՀՅԴ Բյուրոյի տնտեսական հետազոտությունների գրասենյակի ծրագրերի համակարգող Թադևոս Ավետիսյանը:

Նրա խոսքով, ուսուցիչների, զինծառայողների աշխավարձը գոնե 10 տոկոսով աճել է, հարկային բեռը 65 տոկոսի համար անփոփոխ է մնացել, իսկ դրանք ամենացածր եկամուտներ ունեցողներն են, դրանից 25 տոկոսն աշխատող աղքատներն են: Բարձր եկամուտների  դեպքում էապես նվազել է եկամտահարկի բեռը, ինչը  բացառապես կապ չունի ներառական  զարգացման հետ:

Թ.Ավետիսյանն ասաց, որ խնդրահարույց է նաև հայտնի որոշ երկրներից օտարերկրացի աշխատողների թվի աճը բանվորական մասնագիտություններով, որն աշխատուշուկայի վրա  լրացուցիչ բեռ և բացասական հետևանք արդեն ունի:

Նրա խոսքով, երկրորդ և երրորդ երեխաների նպաստների բարձրացումը փաստացի որևէ ժողովրդագրական ազդեցություն չունի:

«Լավ է որ բարձրանում է, բայց պարզ տրամաբանությունն է հուշում, որ երրորդ և հաճորդ երեխայի համար պետք է նպաստների բարձրացում լիներ, որպեսզի  ունենայինք ծնունդների աճ և բնակչության թվի ավելացում լինի»,- ասաց նա: