Ձեր վստահելի աղբյուրը

«Ներկայումս մոտեցումը տարբերվում է նրանով, որ արդյունքների հասնելու միտում կա, պարզապես ժամանակ է պետք համոզիչ լինելու համար»,- «Ամերիա» ՓԲ ընկերության իրականացրած Փոքր և միջին ձեռնարկատիրության ոլորտի վերաբերյալ ծավալուն հետազոտության շնորհանդեսին հաջորդած պանելային քննարկմանն ասաց էկոնոմիկայի փոխնախարար Նաիրա Մարգարյանը՝ պատասխանելով  ԱԺ «Լուսավոր Հայաստան» խմբակցության ղեկավար Էդմոն Մարուքյանի հարցին, թե կառավարությունը հայտարարել է տնտեսական հեղափոխություն, ի՞նչ է արվել այս ընթացքում, ի՞նչ նոր բան է արվել, որ փոխել է, օրինակ ՓՄՁ ոլորտում իրավիճակը։

Փոխնախարարի խոսքով, ՓՄՁ զարգացնելու համար պետք չէ նոր բան հնարել, այլ նայել այն ճանապարհը, որ անցել են տարբեր երկրներ, նայել, թե որն այստեղ կգործի ու ինչպես կգործի։  Ն. Մարգարյանն ասաց, որ հետամուտ են լինելու դրան։

ՀՀ ԱԺ տնտեսական հարցերի մշտական հանձնաժողովի նախագահ Բաբկեն Թունյանը նշեց, որ փոփոխություններն արագ չեն լինում։ Նրա խոսքով, Հարկային օրենսգրքում փոփոխություններ եղել են, այլ փոփոխություններ ևս, բայց ավելի շատ մոտեցումն է փոխվել։

«Այն է փոխվել, որ եթե հիմա ֆիքսենք որոշ թիրախային ցուցանիշներ ու չկատարվեն, Ազգային ժողովում ձեզանից խիստ ենք ինելու»,- ասաց ԱԺ «Իմ քայլը» խմբակցության անդամ Բաբկեն Թունյանը։