Ձեր վստահելի աղբյուրը

«Երկրները պետք է կրկնապատկեն իրենց ջանքերը՝ դադարեցնելու COVID-19 կորոնավիրուսի տարածումը»,- այս մասին նախօրեին հայտարարել է ՄԱԿ-ի առողջապահական գործակալությունը՝ հայտարարելով, որ համաշխարհային արտակարգ իրավիճակն այժմ կարող է բնութագրել որպես համաճարակ: Այս մասին տեղեկանում ենք ՄԱԿ-ի կայքից։

ՄԱԿ-ի գլխավոր քարտուղար Անտոնիո Գուտերեշն այս հայտարարությունը բնութագրել է որպես «գործողությունների կոչ` բոլորի համար և ամենուր»:

Գուտիերեշը ևս հանդես է եկել ուղերձով՝  COVID 19-ի վերաբերյալ, ասելով, որ բոլորիս առջև ծառացած է ընդհանուր սպառնալիք՝ կորոնավիրուսը։

«Համաճարակի այսօրվա հայտարարությունը գործողությունների կոչ է՝ բոլորի համար և ամենուր: Դա նաև պատասխանատվության և համերաշխության կոչ է։ Երբ մենք պայքարում ենք վիրուսի դեմ, մենք չենք կարող թույլ տալ, որ վախը տարածվի: Միասին, մենք դեռ կարող ենք փոխել այս համաճարակի ընթացքը, բայց դա նշանակում է գործել անգործության դեմ»,-ասում է Գուտիերեշը։

ՄԱԿ գլխավոր քարտուղարը նշում է, որ լավագույն գիտությունն ասում է, որ եթե երկրները գտնեն,  թեստավորեն, բուժեն, մեկուսացնեն և մոբիլիզացնեն իրենց ժողովրդին, մենք կարող ենք երկար ճանապարհ անցնել՝ վարակի մեղմացման համար:

«Կոչ եմ անում յուրաքանչյուր կառավարության՝ հենց հիմա ուժեղացնել և ընդլայնել իրենց ջանքերը:  Եվ քանի որ սա ճգնաժամ է, որը ազդում է բոլորի վրա, մենք բոլորս պետք է մեր դերը խաղանք։ Եկեք առաջ շարժվենք վճռականորեն և առանց խարանի: Եկեք միասին հաղթահարենք այս ընդհանուր սպառնալիքը»,-ասում է ՄԱԿ գլխավոր քարտուղարը, նաև համերաշխություն դրսևորելով առավել անապահովների նկատմամբ։