Ձեր վստահելի աղբյուրը

Հայաստանում կորոնավիրուսով հիվանդացության հաստատված դեպքերի պաշտոնական  թիվը այսօր՝ 14.03-ին, հասել է 15-ի։ Վերջին դեպքերը արդեն ոչ թե «բերովի» են, այլ՝ վարակը տարածվում է տեղում։ Ու սա հետևանք է Իտալիայից ժամանած վարակակիրներին չմեկուսացնելու, խիստ ու օրինաչափ քայլեր չձեռնարկելու։ Նրանցից մեկը, օդանավակայանում «բարեհաջող» զննում անցնելուց հետո մասնակցել էր նշանադրության՝ Էջմիածնում։ Վերջին վարակվածներից 7-ը, ըստ պաշտոնական լրահոսքի՝ « Էջմիածնում տեղի ունեցած նշանադրության մասնակցիներ կամ նրանց հետ սերտ շփման մեջ գտնվող մարդիկ են»։

Երկրի վարչապետը, որ այժմ գտնվում է Սևանի ամառանոցում իր տիկնոջ հետ և որ այսօր տեստ է հանձնել Բրազիլիայի վարակակիր առաջին տիկնոջ հետ մարտի սկզբին ողջեգուրված իր կնոջ հետ  և  շտապել նշել, թե՝ հերքվել է տիկնոջ կորոնավիրուսով վարակված լինելը վարակի տարածման մեջ մեղադրում է նշանդրեքին մասնակցած կնոջը, բայց ոչ՝ ամբողջովին կամիր զոնայում գտնվող Իտալիայից եկած ուղևորներին ջերմաչափած ու տներով ուղարկած պետական գերատեսչություններին։  

«Նա կաթիլային ընդունելուց հետո վճռական որոշում է կայացնում նշանդրեքին մասնակցել, միջոցառումը չհետաձգել։ Այս դեպքում որքան էլ տարօրինակ հնչի, անհատական ջանքի ու պատասախանտվության, գիտակցության հարց է»,- ասել էր վարչապետը, որ ընդամենը այդ օրն էր որոշել «ինքնամեկուսանալ»՝ բազմամարդ հանրահավաքներ կազմակերպելուց հետո։

Որպես հասարակության հնչեցրած բողոքի պատասխան՝  ՀՀ վարչապետի իր երեկոյան ֆեյսբուքյան ուղիղ եթերի ընթացքում հայտարարեց, որ պետությունը չունի օրենքով սահմանված ազդեցության լծակ` վարակված (վարակի կասկածով) բնակչին պարտադրել անցնել հետազոտություն և/կամ մեկուսացնել նրան։ Նման հայտարարություններ էին արել նաև կառավարության մյուս պաշտոնյաները։ Կորոնավիրուսի տարածումը կանխարգելող հանձնաժողովի նիստում փոխվարչապետ Տիգրան Ավինյանն էլ առողջապահության ու արդարադատության նախարարներին հանձնարարել է տնային ինքնամեկուսացման ռեժիմը խախտողների նկատմամբ պատասխանատվության տարբերակներ մշակել։

Սակայն, ՀՀ Սահմանադրությունը, 27-րդ հոդվածի (Անձնական ազատություն) 1-ին մասի 6-րդ կետի համաձայն` անձին կարելի է զրկել ազատությունից/ ազատ տեղաշարժի իրավունքից, եթե նա ունի շրջապատի համար վտանգ ներկայացնող հիվանդություն:

Բացի այդ «Բնակչության սանիտարահամաճարագային անվտանգության ապահովման մասին օրենքը» 8-րդ հոդվածի 4-րդ մասի համաձայն, պետությունը իրավունք ունի կիրառել օպերատիվ միջոցառումներ զանգվածային հիվանդությունների և վարակիչ հիվանդությունների համաճարագների վերացման համար:

Այս պարագայում անհասկանալի է՝ վարչապետը ստո՞ւմ է, թե՞ պարզապես չի տիրապետում ՀՀ Սահմանադրությանը։ Միգուցե արժեր նախ կարդալ Սահմանադրությունը, հետո այն փոխելու համար հանրահավաքներ անել՝ այն ժամանակ, երբ կորոնավիրուսի փաստը ոչ թե շեմին, այլ արդեն երկրի ներսում էր։

Նշենք, որ հենց փոխվարչապետ Տ. Ավինյանն էր հետևել օդանավակայանում անցկացվող զննումներին, համարել դրանք բավարար՝ վարակը երկիր չբերելու ու չտարածելու համար։ Հիմա էլ ավելորդ ծանրաբեռնում է արդարադատության նախարարին՝ ձեռքի տակ ունենալով և օրենք, և մեխանիզմներ, և իրավունք, և ամենակարևորը՝ պարտականություն երկրի քաղաքացիների առողջությունը ապահովելու համար։