Ձեր վստահելի աղբյուրը

«Մենք այս պահի դրությամբ ունենք 18 դրական ախտորոշում»,- ֆեյսբուքյան ուղիղ եթերում հայտարարեց ՀՀ վարչապետ Նիկոլ Փաշինյանը՝ ներկայացնելով կորոնավիրուսային հիվանդության իրավիճակի վերաբերյալ վերջին տվյալները:

Նա նշեց, որ երկու լավ լուր ունի. «Առաջին լուրն այն է, որ նոր ախտորոշումներն արդեն իսկ մեկուսացված շրջանակից են:

Հաճորդ լավ լուրն այն է, որ մեր առաջին պացիենտը, ում մոտ մարտի 1-ին ախտորոշվել էր կորոնավիրուս, իր մոտ այսօր արդեն թեստը բացասական է տվել: Եթե կրկնակի թեստի  արդյունքում նորից բացասական լինի, մեր առաջին պացիենտն արդեն առողջացումով դուրս կգրվի:

Այս պահի դրությամբ մեր 18, փաստացի 17 ախտորոշված դեպքերից 11-ը Էջմիածնի հայտնի նշանդրեքի դեպքերն են»:

Նիկոլ Փաշինյանն ասաց, որ հաստատված դեպքերը մինչև 51 տարեկան են քաղաքացիների մոտ է, պրակտիկան ցույց է տալիս, որ գործանակում 100 տոկոսում բուժում պետք է ունենան,  միայն մի քաղաքացի 72 տարեկան է, բարդության ախտանշաններ չկան:

«Հույս ունենք այս պրոցեսն ավելի թեթև կտանենք, քան տարել ենք H1N1 վիրուսի դեպքը»,- ասաց Ն.Փաշինյանը: 

Նա նշեց, որ Եվրոպայի ռիսկային երկրներից եկող բոլոր քաղաքացիները կմեկուսացվեն՝ ոմանք իրենց բնակարաններում, ոմանք առանձնացված վայրերում: 

Մանրամասները՝ տեսանյութում: