Ձեր վստահելի աղբյուրը

Մարտի 17-ի կեսօրից Ֆրանսիայի իշխանությունները սահմանափակումներ են դնում երկրում մարդկանց տեղաշարժի վրա: Արգելվում է ընտանեկան և ընկերական հանդիպումները: Խախտողները պատժամիջոցների կենթարկվեն: Այս մասին հայտարարել է Ֆրանսիայի նախագահ Էմանուել Մակրոնը:

Բնակչությանը խստորեն խորհուրդ է տրվում տնից հեռանալ միայն արտակարգ իրավիճակների դեպքում ՝ գնումներ կատարելու, դեղատուն կամ աշխատելու, եթե անհնար է հեռավար աշխատանքի անցնել։ Միևնույն ժամանակ, սպորտը թույլատրվում է, պայմանով, որ այլ մարդկանց հետ կապ չլինի: Այս մասին գրում է Euronews-ը։

«Սա այն քայլերն են, որ ես խնդրում եմ ձեզանից, ես գիտեմ, որ այն աննախադեպ է, բայց հանգամանքները մեզ պարտավորեցնում են: Մենք պատերազմի մեջ ենք: Առողջության պայքարի համար պատերազմում, որտեղ թշնամին այստեղ է, բայց անտեսանելի, առաջադիմող, և այն  կպահանջի մեր մոբիլիզացիան: Մենք պատերազմի մեջ ենք: Կառավարության և խորհրդարանի բոլոր գործողությունները պետք է ուղղված լինեն համաճարակի դեմ պայքարին»,- հայտարարել է Էմանուել Մակրոնը։

Նախագահը նաև հայտարարել է մարտի 22-ին նշանակված ավագանու ընտրությունների երկրորդ փուլի հետաձգման և բոլոր բարեփոխումների, այդ թվում  կենսաթոշակային բարեփոխումների դադարեցման մասին: Մակրոնը հաստատել է Շենգենյան շրջանի արտաքին սահմանների փակումը 30 օրով:

Ավելի վաղ Ֆրանսիայում փակվել էին բոլոր ուսումնական հաստատությունները, ինչպես նաև առևտուրը, ռեստորանները, բարերը, կինոթատրոնները և մշակութային այլ հաստատություններ:
Այս խիստ միջոցները խուճապ են առաջացրել բնակչության շրջանում, սննդի խանութներում երկար հերթեր են գոյացել:

Ֆրանսիայում նոր տեսակի կորոնավիրուսով վարակվի դեպքերի թիվը գերազանցել է 6600-ը, մահացել է 148 մարդ: