Ձեր վստահելի աղբյուրը

ՀՀ Առողջապահական և աշխատանքի տեսչական մարմնի ղեկավար Հակոբ Ավագյանը մամուլի ասուլիսի ժամանակ տեղեկացրեց, որ հունվարի 24-ից անցել են սահմանային հատուկ ուժեղացված ռեժիմի՝ անձնակազմի ավելացում, տեխնիկական հագեցվածություն և այլն: 

«24.01-ից մինչև 18.03-ի ժամը 9.00-ի դրությամբ՝ 493 ուղևոր ՀՀ մուտք գործելուց լրացրել են  հասցեական քարտեր, դրանք վտանգավոր երկրներից եկած քաղաքացիներն էին: 19 900-ն այն ուղևորներն են, ովքեր չեն գալիս անապահով երկրներից, սակայն լրացվում էր հասցեական քարտեր: Բացի 493-ից, հսկիչ կետերից անմիջապես հոսպիտալացում է տեղի ունեցել 65 անձի համար, իսկ մեկուսացվածների թիվը հասնում է 100-ի, որոնց մեջ կան նաև վերջերս Իտալիայի չարթերային չվերթով Հայաստան ժամանած անձինք»,- տեղեկացրեց Ավագյանը:

Հարցին, թե ինչպե՞ս է վերահսկվում քաղաքում գործող տարբեր հասարակական նշանակության կառույցների ախտահանումը, Ավագյանը նշեց.

«Բնակչությանը սպասարկող կազմակերպությունները առավել խիստ  գործատուի կողմից պետք է ապահովվեն պաշտպանիչ միջոցներով, հիգիենիկ ու սանիտարահիգիենիկ նորմերին համապատասխանող բոլոր միջոցներով: Մենք վերահսկողություն ենք իրականացրել բողոքների հիման վրա, քանի որ մինչ այժմ նման լծակ չենք ունեցել: Եթե կա բողոք, ապա իրականացվում է ստուգվում և, համապատասխանաբար, կիրառվում վարչական վարույթ»: 

Ինչ վերաբերում է  մինչ վարակի նման տարածումն իրականացված միջոցառումներին, մասնավորապես, արդյոք բավարար քայլեր ձեռնարկվել են այն կանխարգելելու համար, տեսչական մարմնի ղեկավարն ասաց. 

«Ոչ մի երկիր ապահովագրված չէր կորոնավիրուսի թափանցումից: Նույնիսկ մեզանից ավելի ուժեղ միջոռացառումներ իրականացրած երկրները չկարողացան խուսափել վարակից: Բազմիցս առիթ ունեցել եմ խոսելու մեր իրականացրած միջոցառումներից: Երկու անգամ ուժեղացվել է յոթ սահմանային հսկիչ կետերում հսկողությունը: Դրանցից  երկուսը օդային են, մեկը՝ երկաթուղային, մյուսները ցամաքային»:

Նա նաև խոսեց առավել խստացված միջոցառումներից: Մասնավորապես՝ օդանավակայանում, հեռահար ջերմաչափերը հնարավոր է չարձանագրեն ուղևորի ջերմությունը: Այս առումով որոշում է կայացվել, անկախ այն փաստից ուղևորն ունի ջերմություն, թե ոչ, մեկասուացնել, օրինակ՝ Իտալիայից եկած քաղաքացիները: