Բյուջեի մուտքերի անկումներ լինելու են. ՊԵԿ նախագահ

Քաղաքական 17:53 19/03/2020

Բյուջեի մուտքերի անկումներ լինելու են. ՊԵԿ նախագահ

«Վարչապետն ասաց, որ այո, այսօր պատկերացնում ենք, որ երեկվա տնտեսությունը, աշխարհը գոյություն չունի: Եթե համաշխարհային տնտեսության մեջ վերափոխումներ են նախատեսվում և տնտեսական կոլապսների ենք ականատես լինելու համաշխարհային մակարդակով, ապա այսօր լոկալիզացնել խնդիրը և խոսել ՀՀ պետական բյուջեի հարկային եկամուտների թերակատարման մասին, կարծում եմ, որ հիպոթետիկ հարց է: Այո ունենալու ենք պետական բյուջեի թերակատարումներ, բայց թե ինչքան, ես և ոչ մեկն այս պահին պատրաստ չէ ասել: Մենք անում ենք ամեն ինչ, որպեսզի հարկային վարչարարությունը և հարկային վարքագիծը և այն լավ փոխհարաբերությունները, գործընկերային հրաբերությունները որ կա հարկ վճարողի և հարկային մարմնի միջև, պահպանվեն: Թե ինչպիսի զարգացումներ կլինեն, բոլորին պատրաստ ենք, կա նաև ֆինանսկան միջոցների ներգրավելու, թե միջացներ,թե աղբյուրներ, որոնք կմեղմեն հարկաբյուջետային քաղաքականության սպասվող դժվարությունները»,- պատասխանելով բյուջեի հնարավոր մոտքերի մասին հարցին, այսօր Հայկական միասնական տեղեկատվական կենտրոնում հայտարարեց ՊԵԿ նախագահ Դավիթ Անանյանը:

Անանյանը շեշտեց, որ տնտեսվարողներին հորդորել են պահպանել գործընկերային հարաբերություններն, որոնք ձավորվել են վերջին 1.5 -2 տարվա ընթացքում.«Եթե դրանք շանունակվեն մնալ նույն բարձունքի վրա, իրակնացվեն նույն արդյունավետությամբ ապա բոլորով կկարողանանք հաղթահարել այն վիճակը ինչը որ կա»:

Անդրադառնալով պետական բյուջեի հարկային եկամուտների առաջին եռամսյակի տվյալներին՝ Անանյանը բերեց թվային տվյալներ. «Ծրագրավորված համամասնությունն առաջին եռամսյակի համար ըստ էության կատարելու ենք մի փոքր գերակատարումով, որը նախորդ տարվա նույն եռամսյակի համեմատ շուրջ 15-16 տոկոսով աճ կապահովվի, կամ գումարային առումով 40-45 մլրդ դրամ կլինի»:

Սակայն ՊԵԿ նախագահը նկատեց, որ այն 2019 թվականի իներցիոն թափով պայմանավորված ցուցանիշներ են լինելու: «Մարտի սկզբին ճգնաժամով պայմանավորված խնիրներն իրենց զգացնել են տալիս և այդ արդյունքներն ենք արձանագրում ամեն օր: Հետևաբար այն աճի տեմպը, որ ունեինք տարեսկզբից կարելի է ասել, որ մարտի երկրորդ տասնօրյակից սկսած արդեն դանդաղում է»,- հայտարարեց Անանյանը:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: