Ձեր վստահելի աղբյուրը

«Մահերի թիվը ուղիղ կապ է ունի բնակչության առողջական խնդիրների հետ»,- ասաց Առողջապահության նախարար Արսեն Թորոսյանը Հայկական միասնական տեղեկատվական կենտրոնում հրավիրված հերթական ճեպազրույցի ժամանակ։

«Ինչքան էլ ոչ հավաստի աղբյուրները փորձեն ծխելու դերը այս դեպքում դիտարկել որպես դրական գործոն՝ ուղիղ կապ կա թոքերի վատ վիճակի և մահացության հետ: Իսկ թոքերը գիտեք ինչից են վնասվում: Մահացության այս  մեծ թիվը հիմնականում ծխելու և վատ սնունդի հետ  է կապված, ինչի հետևանքով տղամարդիկ 2.5 անգամ ավելի շատ են մահացել այս վիրուսից»- նշեց նա և որպես փաստ բերեց այն տվյալը, որ աշխարհում մահացածների 72 տոկոսը տղամարդիկ են:

Նախարարը տեղեկացրեց, որ Հայաստանում վարակվածների թիվը ճեպազրույցի պահին հասել է 122-ի:

Թորոսյանը հայտարարեց, որ ամբողջ աշխարհում մահանում են հիմնականում 70 -75 տարեկան մարդիկ և մահացածների միջին տարիքը 79.4 է:

Ըստ նախարարի՝ մահացածությունների հիմնական պատճառը  ոչ այնքան տարիքն է, որքան խրոնիկ հիվանդությունները:

Արսեն Թորոսյանը հույս հայտնեց, որ Հայաստանում մահվան դեպքեր չեն լինի, բայց որպեսզի դրանցից խուսափեն, ապա պետք է պատրաստ լինեն դրան:

Անդրադառնալով Իտալիայից ժամանած քաղաքացիների վիճակի հարցին՝ նախարարը տեղեկացրեց. «Իտալիայից եկած քաղաքացիները գրեթե բոլորը շատ լավ են զգում: Երեկ մեկի մոտ ջերմություն է գրանցվել և նա կթեստավորվի: Մյուսներին կթեստավորենք կարանտինային ժամկետի լրանալուց հետո, որովհետև նրանք փաստացի պրակտիկ առողջ մարդիկ են: Նույնիսկ եթե նրանց մոտ վիրուսն առկա է, ապա 14 օրվա վերջում այն ուղղակի դուրս գալով օրգանիզմից՝  «բուժվելով», մեզ հնարավորություն կտա միանգամից ստանալ բացասական պատասխան»։

«Հանգիստ կարելի էր ասել...»

«Իմաստ չկա թեստավորվելու և մենք համոզվեցինք դրանում, երբ մեր մյուս օջախի մարդկանց թեստավորեցինք առանց որևէ նախանշանների: Հայտնաբերվեց 18 դեպք, երբ նրանք ունեին վիրուս, բայց որևէ ախտանշան չունենին: Այսպիսով՝ փաստացի մեր թվերի վրա գումարվեց 18 թիվը, որը եթե մենք չանեինք, չէր էլ լինի: Այսինքն՝ այսօր 122 դեպքի փոխարեն հանգիստ կարելի էր ասել 104 դեպք:

Հետևաբար, իմաստ չունի թեստավորել քանի դեռ նրանց մոտ չի առաջացել գանգատներ և չի լրացել կարանտինը»,- հայտարարեց նախարարը:

Քերական պատասխանատվության կենթարկվեն կարանտինային ռեժիմը չպահպանողները
«Եթե համաճարագաբանական ցուցումներով անձին ցուցված, նշանակված կամ պարտադրված է ինքնամեկուսացում, ապա դրա խախտումը պետք է ունենա պատասխանատվության ենթարկելու գործիք, ընդհուպ մինչև քրեական պատասխանատվություն և մենք հիմա աշխատում ենք այդ նախագծի վրա»,- հայրտնեց առողջապահության նախարար Արսեն Թորոսյանը և լրացրեց, որ բոլորը պետք է հասկանան, որ վիրուսի խնդիրըր 1-2 ամսում չի վերանա, կանխարգելիչ միջոցառումների կարիք կլինի նաև արտակարգ դրությունից հետո:

«Այլ տեղ չի եղել»

Պատասխանելով «Հայայրոնավիգացիա» ընկերության աշխատակիցներին տեղում մեկուսացնելու մասին հարցին՝ նախարարը նշեց. «Որովհետև այլ վայր չի եղել: Մեկուսացրել ենք, որովհետև նրանց աշխատակիցներից մեկի մոտ հայտնաբերվել է վիրուս: Դրանից հետո նրանցից ոմանք ջերմել են, հետազոտվել ու բոլորի մոտ վիրուսի առկայության թեստը բացասական է եղել»:
Տեղեկացնելով որ ընկերությունում վարակի նոր դեպք չի հաստատվել՝ Թորոսյանը շեշտեց, որ լինելու դեպքում էլ նույն տեղում կմեկուսացվեն՝ հաշվի առնելով նրանց աշխատանքի բնույթը: Նա հայտնեց, որ նման դեպք կա Երևանում, երբ մի իտալիացի ընտանիքի հետ շփված 6 ընտանիք տներում կարանտինային վիճակում են: «Վիրուսի տարածմանը զուգընթաց ամբողջ աշխարհում հրաժարվում են հատուկ վայրերում կարանտիններ կազմակերպելուց և ավելի շատ օգտագործում են ինքնամեկուսացման տարբերակը»:

Հիվանդանոց՝ միայն կորոնավիրուսով հիվանդների համար

«Հաշվի առնելով զարգացումներն, ամենայն հավանականությումբ մեկնք կունենանք մեկ առանձին հիվանդանոց՝ կից հիվանդանոցներով, որոնք կսպասարկեն միայն կորոնավիրուսով հիվանդներին, որպեսզի մյուս հիվանդանոցներում չլինի ներհիվանդանոցային վարակներ: Ինչպես շատ երկրներում»,- հայտնեց Թորոսյանը և տեղեկացրեց. « Դժբախտաբար մենք էլ ունենք բուժքրոջ վարակման դեպք,որին մեկուսացրել ենք, որպեսզի չտարածվի»:

Կրկին՝ «այն կինը»

Լրագրողներից մեկը հայտնեց, որ Էջմիածնից վարակակիր կինը լրատվամիջոցներից մեկին հայտնել է, որ միայն նշանդրեքի արարողությունից հետո է ջերմություն հայտնաբերել իր մոտ, մինչ այդ ախտանիշներ չի ունեցել:
«Չգիտեմ, թե որտեղից է այդ տեղեկատվությունը: Եղել են հսկողական այցեր, որոնց ժամանակ դուռը չի բացվել:Եղել են զանգեր, որոնց պատասխանվել է, որ ամեն ինչ նորմալ է և իրեն ընդհանրապես չանհանգստացնեն: Բայց մենք ունենք վիճակ, որի մասին բոլորը գիտեն»,- պատասխանեց նախարարը:

«Բայց չենք ասում, որ դուք վաղը նորից չեք վարակվի վիրուսով»

Անդրադառնալով օրգանիզմում կորոնավիրուսի երկար գտնվելու մասին պնդումներին, Թորասյանը ասաց, որ թեստավորվում են 14-րդ օրը և եթե ստացվում են բացասական պատասխան՝ գրեթե 100 տոկոսով վստահ են, որ վիրուսն օրգանիզմում չկա. «Դրա համար կրկնակի թեստավորվում է արվում: Այն պացիենտներին, որոնց մոտ հաստատված է լինում վիրուսը 24 ժամ ինտերվալով երկրորդ թեստն է արվում:Այսինքն՝ արվեց, բացասական պատասխան սատացանաք, նորից է արվում, նորից ենք ստանում բացասական պատասխան: Ասում ենք՝ շնորհակալություն դուք այլևս չունենք վիրուս, բայց չենք ասում, որ դուք վաղը նորից չեք վարակվի վիրուսով, սակայն հավանականությունը, որ նա մյուսներին կվարակի՝ մոտ է զրոյի»: