Ձեր վստահելի աղբյուրը

Առողջապահության նախարար Արսեն Թորոսյանը հրապարակել է դրական արդյունքներ կորոնավիրուսով հիվանդների վերաբերյալ:

«Այսօր գումարային ունենք հետևյալ դրական արդյունքները․

. Բուժված է 14 քաղաքացի, որից 12-ը մեկուսացման մեջ եղած քաղաքացիներից, որոնց մոտ հաստատվել էր վիրուսը, բայց նրանք որևէ գանգատ չունեին և չէին հոսպիտալացվել, իսկ մյուս 2-ը Ինֆեկցիոն հիվանդանուցում բուժվող քաղաքացիներն էին (արդեն իսկ այսօր հայտարարված)։

. Ինֆեկցիոն հիվանդանուցում բուժվող ևս 2 քաղաքացու մոտ վիրուսի տեստը բացասական է, վաղը կրկնելուց և բացասական պատասխանից հետո, նրանք նույնպես դուրս կգրվեն։

. Մեկուսացումից դուրս է եկել ընդհանուր 88 քաղաքացի` 37-ը իրենց շենքում մեկուսացվածներից (արդեն իսկ այսօր հայտարարված), իսկ 51-ը՝ հատուկ վայրում մեկուսացվածներից»,-գրել է նա։

Հիշեցնենք, որ հիվանդների թիվը հասել է 249-ի, ավել վաղ հայտարարվել էր, որ բուժվել է երկու քաղաքացի։

Հիվանդներից 30-ի մոտ զարգացել է թոքաբորբ, նրանցիցհինգը գտնվում են ինտենսիվ թերապիայի բաժանմունքում, որոնցից մեկի ՝ 75-ամյա քաղաքացու վիճակը ծայրահեղ ծանր է , իսկ չորսինը՝ ծանր։