Ձեր վստահելի աղբյուրը

G7- ի երկրները պայմանավորվել են ջանքեր գործադրել կորոնավիրուսի դեմ պայքարի համար Առողջապահության համաշխարհային կազմակերպությանը (ԱՀԿ) ֆինանսական օգնություն ցուցաբերելու համար: TASS-ի հաղորդմամբ G7- ի երկրների արտգործնախարարների հեռուստակոնֆերանսից հետո այդ մասին ասված է Մեծ Բրիտանիայի արտգործնախարարության տարածած հայտարարության մեջ:

«G7- ի երկրները պարտավորվել են 71 միլիարդ ֆունտ ստեռլինգի աջակցություն տրամադրել առավել ռիսկային մարդկանց և երկրներին, որը ԱՀԿ-ին անհրաժեշտ են հանրային առողջության պահպանմանն ուղղված անհապաղ գործողությունների և առաջնահերթ հետազոտությունների համար», - ասված է Մեծ Բրիտանիայի արտգործնախարարության հայտարարության մեջ:

G7- ի արտգործնախարարները պայմանավորվել են նաև աջակցություն տրամադրել Համաճարակային կանխարգելման միջազգային կոալիցիային (CEPI) ՝ արագացնելու կորոնավիրուսի պատվաստանյութի ստացման աշխատանքները և նրանով պայմանավորված հիվանդությունների բուժումը:

Հեռուստակոնֆերանսի մասնակիցները համագործակցության առաջնահերթ ոլորտներից են համարել ՝ ապատեղեկատվությունից պաշտպանություն, գլոբալ արտադրության և մատակարարման ցանցերի անվտանգության ապահովում, ինչպես նաև հատուկ թռիչքների համար երկրների միջև օդային հաղորդակցությունների պահպանում՝ նաև ճգնաժամային իրավիճակներում հայտնված այլ երկրների քաղաքացիներին տարհանելու համար: