Ձեր վստահելի աղբյուրը

ԵՊԲՀ ռեկտոր Արմեն Մուրադյանն առաջարկել է  «Նորք» ինֆեկցիոն հիվանդանոցում կամավոր աշխատող 4 կլինիկական օրդինատորների ազատել ուսման վարձի վճարումից, իսկ մյուս 4 օրդինատորներին, ովքեր սովորում են անվճար համակարգում, խրախուսել:

Մուրադյանը ֆեյսբուքյան իր էջում գրել է.

«Օրինակելի կեցվածքը խրախուսելի է !!!

Այսօր միջնորդագիր եմ ուղարկել
Գիտխորհրդին առաջարկելով այսուհետ ազատել ուսման վարձի վճարումից ԵՊԲՀ ինֆեկցիոն հիվանդությունների ամբիոնի 4 օրդիանատորներ՝
• Լենա Նազարյանին,
• Մովսես Գևորգյանին,
• Կլեմենտ Պետանյանին,
• Մարիամ Հակոբյանին:

Իսկ մյուս 4 կլինիկական օրդինատորները՝
• Լևոն Յավրյանը,
• Կառլեն Սարգսյանը,
• Արմինե Մարգարյանը,
• Էլմիրա Իսախանյանը,
ովքեր սովորում են անվճար համակարգում, հատուկ խրախուսում կստանան ԵՊԲՀ-ի կողմից:

Մեր 8 ապագա բժիշկներն առաջնագծում են՝ Նորք Ինֆեկցիոն Կլինիկական Հիվանդանոցում:
Նրանք օր ու գիշեր, անտրտունջ, հերոսական աշխատանք են իրականացնում... Սա նվազագույնն է, որ մենք կարող ենք անել այս 8 խիզախների համար։

Հ.Գ. Ի դեպ, ԵՊԲՀ կամավորների խրախուսումը շարունակական է լինելու ...»։

Այսօր առավոտյան Բժշկական համալսարանի ուսանողների հետ լուսանկար է հրապարակել  ԿԳՄՍ նախարար Արայիկ Հարությունյանը.

«Առավոտից երեկո նրանք առանց զլանալու ջերմաչափում են անում, որ վիրուսը նախարարության շենք չներթափանցի:

 Նրանք Երևանի պետական բժշկական համալսարանի ուսանողներ են: Ապրե՛ք»։