Ձեր վստահելի աղբյուրը

«Մենք մշտական կապի մեջ ենք արտերկրում ծառայություն իրականացնող խաղաղապահ առաքելություն իրականացնող մեր զորախմբերի հետ, տիրապետում ենք իրադրությանը, ստանում ենք բավարար տեղեկատվություն»,- ֆեյսբուքյան ուղիղ եթերում ասաց Խաղաղապահ բրիգադի հրամանատար, գնդապետ Արտակ Տոնոյանը:

Նա նշեց, որ Հայաստանն Աֆղանստանում և Կոսովոյում առաքելությունն է իրականացնում  «ՆԱՏՕ»-ի հետ համատեղ, ՄԱԿ-ի հովանու ներքո առաքելություն է իրականացվում Լիբանանում։

«Առողջական վիճակի, մասնավորապես այսօր բոլորիս անհանգստացնող կորոնավիրուսի հետ կապված որևէ խնդրահարույց հարցրեր չունենք, մշտական մեր հոգատարության ու հսկողության տակ է այն բոլոր տեղեկատվությունը, որ վերաբերում է զորախմբերին: Բոլոր կանխարագելիչ միջոցառումներն արվում են։ Այս պահին որևէ անհանգստության առիթ չունենք, նույնիսկ կոնտակտավորներ չունենք»,- ասաց Ա.Տոնոյանը։

Այնուհետև տեսակապի միջոցով կապ հաստատվեց Լիբանանում, Կոսովոյում, Աֆղանստանում խաղաղապահ առաքելություններ իրականացնող հայկական զորախմբերի  ներկայացուցիչների հետ։

Մանրամասները՝ տեսանյութում։