Ձեր վստահելի աղբյուրը

Արցախում   ժամը՝ 20.00-ին ավարտվեց համապետական  ընտրությունների քվեարկությունը:

ԱՀ-ում նախագահական  և   խորհրդարանական ընտրությունները մեկնարկել է  ժամը՝ 08.00-ին: Գործել են 282 ընտրական տեղամասեր, որոնցից 1-ը ՝ Երևանում: 

Արցախում նախագահի պաշտոնը զբաղեցնելու համար պայքարում է 14 թեկնածու՝  Քրիստին Բալայանը, Վիտալի Բալասանյանը, Սերգեյ Ամիրյանը, Դավիթ Բաբայանը, Բելա Լալայանը, Արայիկ Հարությունյանը, Հայկ Խանումյանը, Դավիթ Իշխանյանը, Վահան Բադասյանը, Մասիս Մայիլյանը, Աշոտ Ղուլյանը, Ռուսլան Իսրայելյանը, Աշոտ Դադայանը և Մելսիկ Պողոսյանը։
Իսկ ահա  Ազգային ժողովում տեղ զբաղեցնելու համար ընտրություններին մասնակցում է 12 քաղաքական ուժ՝  «Ազգային վերածնունդ» կուսակցություն,  «Միասնական հայրենիք» կուսակցություն,  «Անկախության սերունդ» կուսակցություն, «Հայ hեղափոխական դաշնակցություն» կուսակցություն, Արցախի հեղափոխական կուսակցություն, «Ազատ Հայրենիք-ՔՄԴ» կուսակցությունների դաշինք, Արցախի «Արդարություն» կուսակցություն, Արցախի ժողովրդավարական կուսակցություն, «Միացյալ Հայաստան» կուսակցություն,  Արցախի պահպանողական կուսակցություն, Լեռնային Ղարաբաղի կոմունիստական կուսակցություն և 
«ՆՈՐ ԱՐՑԱԽ» կուսակցությունների դաշինք:

Գործում է 8 ընտրական հանձնաժողով՝ Ստեփանակերտ քաղաքում և Արցախի 7 շրջաններում:
Արցախի Հանրապետության ոստիկանության կողմից տրամադրված տվյալների համաձայն՝ Արցախի Հանրապետության ընտրողների թիվը կազմում է 103 հազար 663։