Ձեր վստահելի աղբյուրը

«Օգնության երրորդ միջոցառումից օգտվելու համար կարող են դիմել  զբոսաշրջութան, հանրային սննդի, առողջապահության, կացության, մշակող արդյունաբերության ոլորտներում գործունեություն ծավալող տնտեսվարողները, որոնց շրջանառությունը 2019 թվականին կազմել է 24-500 մլն դրամ,  ունեն բարվոք վարկային պատմություն: Վարկերն տրամադրվում են  36 ամսով,  որից երկու տարին անտոկոս, իսկ 3 տարուց 12  է վճարվելու և 6 ամիս արտանյալ մարման ժամանակ է սահմանված»,-Հայկական միասնական տեղեկատվական կենտրոնում այսօր հայտարարեց Էկոնոմիկայի նախարարի տեղակալ Նաիրա Մարգարյանը ՝ ներկայացնելով կորոնավիրուսի տնտեսական հետևանքների չեզոքացման միջոցառումների կիրառման կարգը:

«Զբոսաշրջության և կացության ոլորտների համար կան լրացուցիչ պայմաններ, եթե  շահառուն երկու ոլորտից է և նրա վերցրած վարկը չի գերազնացում 10 միլիոնը,  ապա 7-12 ամիսների նրա մարման գրաֆիկը սահմանվում է հավասարաչափ, բայց ոչ ավել քան 70 հազար դրամը, որից հետո 13 ամսից մինչև պայմանագրի ավարտը նորից հավասարաչափ է մարվելու, ինչպես մյուս բոլոր դեպքերում»,- հայտարարեց փոխնախարարը և տեղեկացրեց, որ հաստավել են վարկերի տրամադրման կարգերը:

Բանախոսը հայտարարեց, որ վարկեր վերցնել ցանկացողները իրենց էլեկտրոնային հայտերը պետք է ներկայացնեն Ներդրումների աջակցման կենտրոնի  isc.am   կայքի համապատասխան բաժնում՝ լրացնելով էլէկտրոնային դիմումը: Հարցեր ունենալու դեպքում կարող են զանգել 81-05 և  041.01-05-23 հեռախոսահավարով:

Նաիրա Մարգարյանը շեշտեց, որ վարկավորումն արագ կազմակերպելու համար իրենք պետք է դիմեն ԱԿՌԱ համակարգին, որը կարող է անել, Ներդրումների աջակցման կենտրոնը կամ վարկառուն: Առաջինի դեպքում կենտրոնին անհրաժեշտ է լիազորագիր՝ էլեկտրոնային ստորագրությամբ, որը նույնպես դիմողը կարող է ուղարկվել կայքի միջոցով:

«Հայտադիմումը ստանալուց հետո երկու օրվա ընթացքում դիմումատուն կստանա պատասխան, որը թույլ կտա շարունակել գործընթացը, կամ տեղեկանալ լրացուցիչ տեղեկատվության պահանջի մասին»,-ասաց փոխնախարարը :

«Հարցում էինք արել, թե բիզնեսները ինչ օգնության կարիք ունեն: Խորհրդաշական էր, որ աջակցման կարիքների մեջ կար նաև խորհրդատվության աջակցության կարիք»,- հայտնեց Նաիրա Մարգարյանը և տեղեկացրեց, որ խորհրդատվական 20 ընկերություն արագ աձագանքել են և արդեն այսօր կազմակերպվում են վեբինարներ, որոնց կարող են միանալ և հարցեր ուղղել  ՓՄՁ ընկկերությունների ներկայացուցիչները: 

Էկոնոմիկայի մյուս փոխնախարարը՝ Արման Խոջոյանը,  հայտարարեց, որ նախարարությունը օրական ստանում է  մոտ 100 հեռախոսազանգ, որոնց մի մասին պատասխանել է նաև ինքը և պարզել, որ մարդիկ հարցնում են , թե ում պետք է դիմեն օժանդակությունը ստանալու համար: « Գյուղատնտեսության ոլորտում օժանդակությունը  կատարվում է երկու ձևով՝ վարկավորման  և փոխհատուցման: Վարկավորում ցանկացողները պետք է դիմեն ֆինանսական կառույցին: Վերջիններս  վարկառուների ցուցակը ներկայացնում է Էկոնոմիկայի նախարարությանը: Նախարարությունը ցանկացողների խմբերի  հետ  կազմակերպում է դասընթաներ: Կորոնավիրուսի հետ կապված այն  իրականացվելու է հեռակա կարգով :

Դիմորդները ստանում են հավաստագիր և այն կներկայացնեն ֆինանսկան կառույցին: Այնուհետև բանկը, կամ վարկային կազմակերպությունը իր ներքին կանոնադրության համաձայն իրականացնում է դիմումատուի վարկունակության գնահատում և որոշում է այն տրամադրել»,- նշեց փոխնախարարը և  շեշտեց, որ փոխհատուցման տրամադրման համար պետք է դիմեն Էկոնոմիկայի նախարարությանը, իսկ տրամադրման ընթացակարգը բացատրեց օրինակով. «Փոխհատուցման տարբերակները գործում են ջերմոցային տնտեսության, խելացի անասնաշենքի, ինտենսիվ այգիների համար: Օրինակ խելացի անասնաշենքի առաջին մոդելի համար նախատեսված է 11 միլիոն դրամ,  որից պետությունը փոխհատուցում է 5.5 մլն դրամը: Այս դեպքում պետք է դիմել, ոչ թե վարկային կամակերպությանը, այլ Էկոնոմիկայի նախարարությանը»