Ձեր վստահելի աղբյուրը

Հայկական միասնական տեղեկատվական կենտրոնում այսօր ահազանգ հնչեց, որ բանկերը մարզերում  գյուղոլորտի համար վարկեն չեն տրամադրում:

Էկոնոմիկայի  փոխնախարար՝ Արման Խոջոյանը արձագանքեց. « Մարզերում  բանկերը սահմանափակ ռեժիմով են աշխատում: Բանկերի հետ պայմանավորվել ենք, այսօր կընդունենք հայտերը, կփորձենք նախնական գնահատականը տալ, իսկ երբ տեղաշարժման սահմանափակումները հանվեն, ապա ամբողջական գործիքակազմով կաշխատեն: Բանկերին էլ պետք է հասկանալ,  իրենք պետք է կատարեն այցելություններ, այս բոլոր վարկերը նպատակային են և չի կարող պատահի, որ ստանան վարկը և չօգտագործեն գյուղատնտեսական նպատակներով»:
«Այս պահին, բոլոր աջակցության ծրագրերը միտված են բիզնեսներին լիկվիդայնության բարձիկ նետելու, մի քանի ամիս դիմանալու՝ այս ծանր ժամանակահատվածում: Բիզնեսն ինքնուրույն է որոշում,  թե շարունակի՞ աշխատելը, կարո՞ղ է հաղթահարել, իրեն լիկվիդայնության այդ պակա՞սն է խանգարում, թե չի կարող աշխատել և լրացուցիչ բեռ չի կարողանում իր վրա վերցնել: Մենք պարտավոր ենք արագ ապահովել այդ միջոցները այն բիզնեսներին, որոնք իրենց հաշվարկներով և որոշմամբ գիտակցել են, որ իրենք կկարողանան այն հաղթահարել»,- հայտարարեց Էկոնոմիկայի նախարարի մյուս տեղակալ Նաիրա Մարգարյանը՝ պատասխանելով այն հարցին, թե ինչու է պետությունը ավելացնում տնտեսվարողների բարկային բեռը:

Ներկայացնելով վարկավորման պայմանները՝ Արման Խոջոյանը թվարկեց մի շարջ դեպքեր, երբ վարկառուն պետք է անցնի համապատասխան դասընթացներ:

«Բոլոր այն անձինք որոնք ցանկանում են օտվել ծախսերի փոխհատուցման գործիքից, պարտադիր պետք է անցնեն հնգօրյա դասընթաց, որն իրկանացնում է «Այքեր» հիմնադրամը, որտեղ ներկայացվում է ջերմոցային տնտեսության կառավարումը: Բացի լսարանային դասընթացներից, նախատեսվում է նաև դաշտային դասընթացներ: Դրանից հետ բոլոր մասնակիցներին կթույլատրվի կակռուցել ջերմոց»,- հայտարարեց փոխնախարարը:

Շեշտելով, որ գյուղացիական կոոպերատիվի նախագահի համար կազակերպվելու է առանձին հավաստագրում և դասընթացներ, որը տարբերվում է մյուս վարկառուների համար նախատեսվածներից՝  Արման Խոջոյանը նշեց.  «Կոոպերատիվների նախագահները նաև առանձին դիմում են Էկոնոմիկայի նախարարություն և ցանկություն են հայտնում հավաստագրվել:  Նախարարությունը  Ագրարային ազգային համալսարանի հետ միասին կազմակերպում է 5-օրյա դասընթաց, որից հետո կոպերատիվի նախագահը  այդ և բանկից նախօրք տված  հավաստագրերով դիմում է վարկ ստանալու: Ինչու է սա խտացվել, որովհետև կոոպերատիվների դեպքում պետությունը մեծ մասով կիսում է բանկերի ռիսկերը»: