Պետդուման օրենք է ընդունել վարկային արձակուրդների մասին

Տնտեսություն 15:27 01/04/2020 Աշխարհում

Պետդուման օրենք է ընդունել վարկային արձակուրդների մասին

Պետդուման ՌԴ նախագահի հանձնարարականով երրորդ ընթերցմամբ և ամբողջովին ընդունվել է «Քաղաքացիներին, անհատ ձեռներեցներին և փոքր և միջին ձեռնարկություններին (ՓՄՁ) վարկային արձակուրդներ տրամադրելու մասին» օրենքը:

ՏԱՍՍ-ի փոխանցմամբ, փաստաթուղթն ընդունվել է՝ որպես Ռուսաստանի բանկի կողմից բնակչության և ՓՄՁ-ների ֆինանսական գրագիտությունը բարելավելու իրավասությունների մասին օրինագծի երկրորդ ընթերցման լրամշակում:

Ընդունված չափորոշիչների համաձայն, վարկառուները կարող են դիմել վարկառուին` մինչև վեց ամիս վարկային արձակուրդ ստանալու պահանջով, եթե անցած տարվա միջին ամսական եկամտի համեմատ վարկառուի նախորդ ամսվա եկամուտները նվազել են 30 կամ ավելի տոկոսով:

Վարկառուն կարող է դիմել վարկային պայմանագրի ժամկետի ընթացքում ցանկացած պահի, բայց ոչ ուշ, քան 2020 թվականի սեպտեմբերի 30-ը: Միևնույն ժամանակ վարկառուի համար սահմանված արտոնյալ ժամանակահատվածը կարող է հետաձգվել պահանջի օրվանից 30 օրով՝ հիպոթեկային վարկերի համար և 14 օրով՝ սպառողական վարկերի համար:

Վարկային հաստատությունը կարող է պահանջել եկամտի նվազումը հաստատող փաստաթուղթ, և վարկառուն կարող է այդ փաստաթղթերը ներկայացնել վարկային հաստատություն դիմելուց հետո 90 օրվա ընթացքում:

«Այսինքն, եթե նա (վարկառուն) գտնվում է կարանտինում, ապա պետք է ունենա 90 օր ժամանակ այդ փաստաթղթերը ներկայացնելու համար», - ասել է Պետդումայի ֆինանսական շուկայի հանձնաժողովի նախագահ Անատոլի Աքսակովը:

Եթե փաստաթղթերը չեն ներկայացվում 90 օրվա ընթացքում, ապա ուժի մեջ է մնում պայմանագիրը, որը գործում էր մինչև վարկային արձակուրդների տրամադրումը: Վարկային կազմակերպությունը պետք է հնգօրյա ժամկետում քննարկի վարկառուի համապատասխան դիմումը: Վարկառուն կարող է դիմել վարկային հաստատությանը ինչպես վարկային պայմանագրով սահմանված ձևով, այնպես էլ հեռախոսով:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: