ԱԿԲԱ-ԿՐԵԴԻՏ ԱԳՐԻԿՈԼ Բանկը` Սուբսիդավորվող գյուղատնտեսական վարկերի գրաֆիկներում փոփոխություններ կատարելու մասին

Տնտեսություն 17:06 02/04/2020 Հայաստան

ԱԿԲԱ-ԿՐԵԴԻՏ ԱԳՐԻԿՈԼ Բանկը` Սուբսիդավորվող գյուղատնտեսական վարկերի գրաֆիկներում փոփոխություններ կատարելու մասին

Հոգ տանելով հաճախորդների մասին և ելնելով Հայաստանում ստեղծված իրավիճակից՝ ԱԿԲԱ-ԿՐԵԴԻՏ ԱԳՐԻԿՈԼ Բանկը որոշում է կայացրել սուբսիդավորման ծրագրերով տրամադրված գյուղատնտեսական վարկերի գրաֆիկներում ևս կատարել փոփոխություններ՝ ի նպաստ հաճախորդների:

Բանկից մանրամասնում են, ըստ այդմ՝

ս.թ. մարտի 16-ից մինչև մայիսի 15-ն ընկած ժամանակահատվածում գրաֆիկով սահմանված վճարումը չկատարած հաճախորդների մարման ենթակա մայր գումարների վճարումները համամասնորեն կբաշխվեն վարկի հետագա մարումների միջև,

ս.թ. մարտի 16-ից մինչև մայիսի 15-ն ընկած ժամանակահատվածում գրաֆիկով սահմանված վճարման ենթակա տոկոսագումարները կտեղափոխվեն գրաֆիկով սահմանված հաջորդ՝ հերթական մարման ամսաթիվ՝ շարունակելով վարկի մնացորդի նկատմամբ հաշվարկել տոկոսագումարներ։
Այն հաճախորդները, ովքեր ս․թ․ մայիսի 15-ից հետո վերը նշված կարգով կկատարեն առաջին վճարումը, կհամարվեն նշված պայմաններին համաձայնություն տված։

ս.թ մարտի 16-ից մինչև մայիսի 15-ն ընկած ժամանակահատվածում ավարտվող սուբսիդավորման ծրագրերով տրամադրված վարկերի գրաֆիկները կմնան անփոփոխ, սակայն Բանկին դիմելու դեպքում կցուցաբերվի անհատական մոտեցում՝ բիզնեսում առաջացած խնդիրներին ողջամիտ լուծումներ տալու նպատակով:

«Այնուամենայնիվ, եթե նշված փոփոխություններից հետո հաճախորդները կցանկանան դիմել Բանկին վարկի մարման գրաֆիկի վերանայման և փոփոխման նպատակով, հաճախորդներից գումար չի գանձվի:

Հարցերի դեպքում կարող եք զանգահարել բանկի շուրջօրյա գործող հեռախոսահամարներին՝ 010 31 88 88, 010 31 99 99 կամ հաղորդագրություն գրել բանկի ֆեյսբուքյան էջին:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: