Ձեր վստահելի աղբյուրը

Աշխատանքի և սոցիալական հարցերի նախարար Զարուհի Բաթոյան Հայկական միասնական տեղեկատվական կենտրոնում ներկայացրեց  կառավարության սոցիալական ոլորտին ուղղված  աջակցության 4-րդ,  6-րդ,  7-րդ,  8-րդ և  9-րդ ծրագրերը:

Նախարարն ասուլիսի սկզբում կոչ արեց հատկապես տարեցներին չայցելել «Հայ Փոստ»-ի գրասենյակներ, չգնալ սոցիալական աջակցության տարբեր ծառայությունները, քանի որ կարող են վնասել առողջությունները: 

««Հայ Փոստ»-ի մեր գործընկերները ֆինանսական  աջակցությունը, եթե դա կանխիկ եղանակով է, տրամադրում են բնակության հասցեներում: Մենք ջանքեր ենք գործադրում, որ բոլորը ստանան, բաց եթե ստանում եք բանկերից կարող եք այցելել բանկ՝ պահպանելով անվտանգության բոլոր կանոները»,- հայտարարեց նախարարը:

Բաթոյանը շեշտեց, որ այդ ծրագրերի իրականացման կարգերը դեռ բոլորը չեն մշակվել և մշակվելուց հետո կհրապարակվեն, որից հետո քաղաքացիները կարող են դիմել դրանցից օգտվելու համար:

«4-րդ ծրագիրը վերաբերում  է մինչև 14 տարեկան երեխա ունեցող ընտանիքներին, որոնցում  մարտի 13-ից  25-ը ընկած  ժամանակահատվածում ծնողներից մեկը մահացած է եղել:  Մյուս խմբում ընդգրկված է նույն տարիքի երեխա ունեցողները, որտեղ ծնողներից  միայն մեկն է եղել գրանցված աշխատող, իսկ մյուս ծնողը չի աշխատում: Շահառու կարող է դառնալ նաև մինչև 14 տարեկան երախա ունեցող միայնակ մայրը կամ ծնողը,  ով եղել է գրանցված, բայց ազատվել է աշխատանքից նշված ժամանակահատվածում»,- հայտարարեց Բաթոյանը և ներկայացրեց, որ նաև աջակցություն կարող է ստանալ աշխատանքից ազատված կամ աշխատանք չունեցող այն ծնողը, որը եղել է անհատ ձեռնարկատեր և որի գործունեությունը Հարկային օրենսգրքով նախատեսված կարգով դադարեցված չէ: Այս ծրագրով  աջակցության չափը 100  հազար դրամ է՝ յուրաքանչյուր երեխայի համար:

Նմանատիպ ծրագիր կան այն անձանց համար, որոնք նույնպես ազատվելեն աշխատանքից, բայց  չունենալով երեխա՝ ծրագրով շահառու չեն:

6-րդ ծրագիրն, ըստ նախարարի,  վերբերում  է այն քաղաքացիներին, որոնք աշխատանքի ընդունման անհատական իրավական ակտի համաձայն աշխատել են մասնավոր սեկտորում առնվազն 2020 թվականի հունվարի 1-ից մինչև մարտի 13-ն անընդմեջ և  ազատվել են աշխատանքից մարտի 13-ից 25-ն ընկած ժամանակահատվածում: Այս դեպքում աջակցությունը սահմանված է նվազագույն աշխատավարձի չափով:

«7-րդը վերաբերում է հղի կանանց, որոնք 2020 թվականի մարտի 30-ի դրությամբ չեն աշխատում և որոնց ամուսինները եղել են գրանցված աշխատող և ազատվել է մարտի 13-ից 30-ը ընկած ժամանակահատվածում: Աջակցություն կարող են ստանալ նաև այ ն հղի կանայք, ովքեր 2020 թվականի մարտի 30-ի դրությամբ չեն աշխատում»,- նշեց Բաթոյանը և տեղեկացրեց, որ այս դեպքում աջակցության չափը կրկին կազմում է 100 հազար դրամ: