Ձեր վստահելի աղբյուրը

Ֆրանսիայում մեղադրել են ԱՄՆ-ին իրենց կողմից Չինաստանի պատվիրված դիմակները գնելու մեջ: Այս մասին ասել է Գրանդ-Էստ տարածաշրջանի ղեկավար Ժան Ռոտները: Նրա խոսքով դա տեղի է ունենում տառացիորեն թռիչքուղու վրա՝ Չինաստանում:  Այս մասին գրում է Լենտա.ռու կայքը՝ հղում անելով RTL հեռուստաալիքին։

«Ամերիկացիները կանխիկ վճարում են երեք կամ չորս անգամ բարձր գին, քան մենք էինք վճարել»,- հայտարարել է Ռոտները: Նա հավելել է, որ որոշ պատվերներ ի վերջո հասել են իրենց և կոչ է արել ֆրանսիացիներին պայքարել վիրուսի դեմ:

Պաշտոնական Փարիզը դեռ չի հաստատել Ռոտների մեղադրանքը։ Մինչև ապրիլը 15-ը Ֆրանսիայում կարանտին է։ Վերջին տվյալներով, Գրանդ-Էստ  շրջանը կորոնավիրուսից ամենաշատն է տուժել. այնտեղ  COVID-19-ից ավելի քան 1,5 հազար մարդ  է մահացել։ Ֆրանսիայում ավելի քան 56,9 հազար վարակված կա, 4 հազար մարդ մահացել է, 9,4 հազարը բուժվել։