«Իրատես». Իշխանությունում ոչ միայն աջ ձեռքը բացարձակ չգիտե, թե ինչ է անում ձախը, այլև ահավոր «բարդակ» է
«Իրատես» թերթը գրում է. «Մարդկանց տեղորոշմանն առնչվող վերջին օրինագիծը, որի պատճառով մեկ օրվա մեջ երկու անգամ «Իմ քայլի» պատգամավորները «բերման ենթարկվեցին» խորհրդարան, ահավոր խոր հիասթափություն է առաջացրել առանց այն էլ ներսից ամեն ինչ տեսնող իմքայլականների մեծ մասի մոտ։ Նեղ շրջանակում նրանք ամենևին էլ չեն թաքցնում, որ իշխանությունում ոչ միայն աջ ձեռքը բացարձակ չգիտե, թե ինչ է անում ձախը, այլև ահավոր «բարդակ» է, իսկ մուրճի ու սալի արանքում հայտնվում են հենց իրենք` դառնալով ոչ միայն շատ հեռուն գնացող օրենքների դակիչներ, այլև քավության նոխազներ:
Վերջիններս շատ լավ հասկանում են, որ այդ օրինագիծն առաջին հերթին նաև իրենց դեմ է, որպեսզի իշխանությունում իմանան` ում հետ են իրենք շփվում, ինչ ինֆորմացիաներ են փոխանցում, այդ թվում և արտահոսքեր կազմակերպում: Դժգոհ են նաև սորոսականները, որովհետև նրանց զանգերը ևս հայտնվում են տեղորոշման «լույսին ներքո», ինչը ահավոր կախման մեջ է դնելու նիկոլական իշխանությունից. Սորոսի հանձնարարություններն իրենց հետ հավասար «ունկնդրելու» են նաև իշխանությունները»:
Մանրամասները թերթի այսօրվա համարում: