Մալայզիայի կառավարությունը կանանց խորհուրդ է տվել ամուսիններին «չձանձրացնել»՝ մեկուսացման ժամանակ, ապա ներողություն խնդրել

Հասարակություն 12:14 03/04/2020 Աշխարհում

Մալայզիայի կառավարությունը ստիպված եղավ ներողություն խնդրել այն բանից հետո, երբ Կանանց Զարգացման դեպարտամենտը հրապարակեց մի շարք սեքսիստական «խորհուրդներ», որոնք պետք է օգնեին մարդկանց կորոնավիրուսային փակման պայմաններում, ներառյալ կանանց խորհուրդ տալով շարունակել դիմահարդարվել տանը և «խուսափել ամուսիններին նյարդայնացնելուց ու քննադատելուց»: Այս մասին գրում է CNN-ը։

Այս «խորհուրդները» բուռն արձագանքներ առաջացրեցին առցանց հարթակում, որի արդյունքում գերատեսչությունը հեռացրեց գրառումներ իր սոցմեդիայի էջից։

Հինգշաբթի կեսօրին Մալայզիայում հաստատվել է ավելի քան 2900 կորոնավիրուսային դեպք, որի հետևանքով զոհվել է 45 մարդ, ըստ Հոփկինսի համալսարանի տվյալների:

Մալազիայի վարչապետն անցած ամիս ընդունեց մի շարք գործողություններ՝ Covid-19 վարակի դեմ՝ խստոեն սահմանափակելով շարժը։

Կառավարության մարմնի հանդեպ հիմնական քննադատություններից մեկն այն էր, որ այն անտեսում է ընտանեկան բռնության աճը, երբ մարդիկ գտնվում են փակի տակ և փոխարենը կենտրոնանում է այնպիսի բաների վրա, թե ինչպես պետք է հագնվեն կանայք:

Երկրի «Բոլոր կանանց գործողությունների հասարակությունը» կոչ է անում կանանց զարգացման վարչությանը դադարեցնել իր սեքսիստական հաղորդագրությունները և կենտրոնանալ ընտանեկան բռնությունից փրկվածներին օգնելու վրա:

Իսկ Կանանց զարգացման դեպարտամենտի գլխավոր տնօրեն Ախմա Հասան էլ ասում է, որ իրենց նպատակն է եղել փոխանակել մեթոդներ և պրակտիկա՝ ընտանիքի ներսում դրական փոխհարաբերությունները պահպանելու և տնից աշխատելու փուլում:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: