Ձեր վստահելի աղբյուրը

«Կիրակի օրը Սինգապուրի իշխանությունները սկսեցին բազմակի օգտագործման  բժշկական անվճար դիմակներ բժանել բնակիչներին»,-ինչպես փոխանցում է ՌԻԱ-ն, այդ մասին ասվում է կառավարության հաղորդագրության մեջ:

«Ապրիլի 5-ից մինչև 2020 թվականի ապրիլի 12-ը  գրանցված հասցեներով բնակիչները կկարողանան ստանալ մեկ բժշկական  բազմակի օգտագործման դիմակ (յուրաքանչյուր անձի համար) », - ասվում է հայտարարության մեջ:

Կառավարությունը նշում է, որ դիմակները կարող են օգտագործվել, քանի դեռ դրանք չեն մաշվել:
«Բազմակի օգտագործման դիմակ կրելը կարող է ապահովել հիմնական պաշտպանությունը, նույնիսկ եթե այն նույն վիճակում չէ, ինչ վիրաբուժական դիմակի դեպքում: Այս միջոցը կխնայվի վիրաբուժական դիմակներ նրանց համար, ովքեր դրանց կարիքն ունեն, այսինքն` մեր բուժաշխատողների համար՝ հաշվի առնելով բժշկական դիմակների համաշխարհային պահանջարկը», - ասվում է հայտարարության մեջ:

Վերջին տվյալների համաձայն, Սինգապուրում գրանցվել է 1,189 կորոնավիրուսով վարակի դեպք: