Ձեր վստահելի աղբյուրը

Կառավարության մամուլի կենտրոնում հրավիրված  ասուլիսում լրագրողը հարց ուղղեց էկոնոմիկայի փոխնախարար Վարոս Սիմոնյանին՝ հիշեցնելով նախարար Տիգրան Խաչատրյանի հյատարարությունն, ըստ որի, եթե ոսպը թանկացել է, ապա այն կարելի է փոխարինել ավելի էժան փոխարինիչներով.  «Ինչպե՞ս բացատրել նրա նման հայտարարությունը, եթե Նիկոլ Փաշինյանը պատգամավոր եղած ժամանակ քննադատում  էր այն ժամանկվա իշխանություններին նման հայտարարություններ անելու համար»:

Փոխնախարարի փոխարեն հարցին պատասխանեց ասուլիսը վարող էկոնոմիկայի նախարարի մամուլի քարտուղար Աննա Օհանյանը. «Համատեքստից դուս նման հայտարարությունները շահարկումների արդյունք է:  Ցանկացած մեջբերում՝ համատեքստից դուրս օգտագործելով կարելի է բազմաթիվ այլ իմաստներ օգտագործել: Եթե լսեք միտքն ամբողջական, ապա պարզ է, որ բերված էր սպառողական վարքագծի իրավիճակային օրինակ, որը կարող է ազդել գների բարձրացման վրա՝ ի  թիվս այլ գործոնների և այն բնավ չի բացառում կառավարության գործողությունները խնդրի զսպման ուղղությամբ:  Այն քաղաքացիների հանդեպ վիրավորանքի որևէ տարր չի պարունակում, եթե միտքը չշահարկեն: Իսկ ինչ վերաբերում է «փոխարինիչ» բառին, ապա բառի վերաբերյալ մասնագիտական սահմանումը օրերս տվել է սննդի փորձագետ Դավիթ Պիպոյանը, կարող եք ծանոթանալ, թե ինչ կոնկրետ օրինակներ են բերվում նախարարի հիշատակած փոխարինիչի վերաբերյալ»: