Ձեր վստահելի աղբյուրը

«Հիվանդության մասին շատ տեղեկատվության հասանելիության հետ  մեկտեղ նաև ի հայտ են գալիս նոր խորհուրդներ  երկրագնդի բոլոր քաղաքացիներին»,- ֆեյսբուքյան ուղիղ եթերում ասաց առողջապահության նախարար Արսեն Թորոսյանը։

Նա նշեց, որ հաճախ են հարցրել, թե ինչու չեն պարտադրում կամ խրախուսում դիմակների օգտագործումը, իսկ ինքը հաճախ պատասխանել է, որ հիմնականում ցուցված են բուժաշխատողներին, կամ վարկակիրներին, կամ հիվանդ են սուր շնչառական վարակներով։

«Հիմա խորհուրդ է տրվում կրել դիմակ  այլ նկատառումներով։ Այս հիվանդությունը հիմնականում փոխանցվում է  տարբեր մակերեսներից ձեռքով վերցնելու և ձեռքը քթին, բերանին կամ աչքերին հպելու պատճառով։ Դիմակներն այստեղ ունեն ոչ թե օդային ճանապարհով վարակը կանխարգելելու դեր, այլ հիմնականում օգնում են, որպեսզի մենք մեր ձեռքը պատահաբար, անգիտակցորեն չմոտեցնենք մեր քթին, բերանին, պարբերաբար լվանանք մեր ձեռքերը ճիշտ եղանակով՝ կանխարգելելու վարակի հնարավոր ներթափանցումը մեր շնչառական ուղիներ»,- ասաց Ա.Թորոսյանը։

Նրա խոսքով, քանի որ հիմա ամբողջ աշխարհում դիտվում է դիմակների դեֆիցիտ, չնայած Հայաստանում արդեն մի քանի արտադրամասում սկսվել է դիմակներ կարվել, ինչպես նաև գինը շարունակում է մնալ հարաբերականորեն  բարձր, Առողջապահության համաշխարհային կազմակերպությունը, ամերիկյան հիվանդությունների կանխարգելման կենտրոններն որոշել են խորհուրդ տալ կրել նաև տնային պայմաններում կարած, պատրաստված դիմակներ, նաև կտորե դիմակներ՝ մեկ պայմանով, որ դրանք պարբերաբար կթարմացվեն կամ կլվացվեն շատ բարձր ջերմությամբ լվացքի հատուկ նյութերով, որոնք  կօգնեն մարդկանց, որպեսզի առօրեայում շփվելով՝ նրանց ձեռքերը պարզպես չդիպչեն բերանին, քթին։

«Հետևաբար մենք հիմնվելով միջազգային փորձի վրա՝ թարմացնում ենք մեր խորհուրդները»,- ասաց նախարարը։