Ձեր վստահելի աղբյուրը

Հնդկաստանի իշխանությունները քննարկում են կորոնավիրուսի տարածման պատճառով պարտադրված մեկուսացման ռեժիմի երկարաձգման հարցը, հայտնում է «Ռիա Նովոստի»-ն։

Նշվում է, որ երկրում 21-օրյա ինքնամեկուսացման ռեժիմն ավարտվելու է ապրիլի 14-ին։ Իշխանությունները երկրի բնակիչներին հորդորել են առանց հիմնավոր պատճառի փողոց դուրս չգալ, սահմանափակվել են  նաև հասարակական տրանսպորտի, տաքսի ծառայությունների, մետրոյի և երկաթուղիների աշխատանքները։

Ավելի վաղ վարչապետ Նարենդրա Մոդին կառավարության նիստում հայտարարել էր, որ համաճարակի դեմ պայքարը երկարատև է լինելու, և նախարարներին կոչ էր արել մշակել երկիրը մեկուսացումից աստիճանաբար դուրս բերելու պլան:

Արհմիության նախարար Պրակաշ Ջավադեկարն էլ հայտարարել էր, որ մեկուսացման ռեժիմը երկարաձգելու մասին որոշումը կընդունվի ազգային շահից ելնելով և կհայտարարվի ճիշտ ժամանակին: «Մենք ամեն րոպե հետևում ենք աշխարհում տիրող իրավիճակին»,- ասել էր նա:

Հնդկաստանի առողջապահության նախարարության տվյալներով ՝ ապրիլի 6- ի առավոտյան երկրում կորոնավիրուսի դեպքերի թիվը հասել է 4421-ի, մահացել է 114 մարդ: