Ձեր վստահելի աղբյուրը

Կառավարության մամուլի սրահում տեղի ունեցած ասուլիսի ժամանակ փոխվարչապետ Մհերի Գրիգորյանին հարց ուղղվեց. «Ճիշտ չէ՞ր լինի արդյոք քաղաքացիներին ազատել կոմունալ վճարների բեռից»:

Մ. Գրիգորյան.- Ես կարծում են որ կոչերը և առաջարկները, որոնք առավելագույնս թիրախավորված չեն, արդյունավետ չեն լինի: Ում ազատել, ինչպես ազատել, ինչ չափով ազատել, սրանք հարցին զուգահեռ պետք է նշվի՝ հակառակ դեպքում հարցը կարող է ընկալվել տարօրինակ հարց, որովհետև մենք, այնուամենայնիվ, պետք է աշխատենք թիրախներով, այլ ոչ թե նպատակին հասնելու կոչերով: Ավելի կարևոր է քննարկել օժանդակության կարիք ունեցող խմբերի կարիքները ճշգրիտ ձևերով, այլ ոչ թե ընդհանրական գործիքների մասին խոսել:

Հարց- Կոմունալ վճարները շատ երկրներում, նաև Վրաստանում չեղարկվեցին, վճարումները ինչո՞ւ չչեղարկել Հայաստանում։

Մ. Գրիգորյան- Ես չեմ բացառում, որ մենք այդ հարցը կդիտարկենք, բայց երբ որ խոսում ենք ծախսի նպատակներից խնդրի լուծման կամ միջոցառումներին նախագծմանը գալու մասին՝ մենք չենք կարծում, որ դա ճիշտ ուղություն է: Մենք գալիս ենք պոտենցիալ շահառուների խմբերը վերլուծելու ուղղությունով, որն ավելի ճիշտ է: Չեմ բացառում, որ վճարումների դինամիկան մեր համար կլինի տեղեկատվություն շահառու խումբ որոշելու համար, բայց դա չի նշանակում, որ նպատակը պետք է լինի հարկ չվճարելը, կոմունալ ծախսերը չվճարել, վարկ չվճարել: Դա սխալ սկզբունք է մեր կածիքով:

Հարց- 26 500 դրամ օժանդակության չափը ինչպես է հաշվարկվել և արդյոք այն կթեթևացնի մարդկանց սոցիալական վիակը:

Զարուհի Բաթոյան- Պարզ տրամաբանությամբ, քանի որ մենք գործ ունենք մեծ թվով մարդկանց հետ և ծրագրերը ավելի շատ ուղղված են մեղմելու սոցիալական վիճակը: Բնականաբար, չենք կարող ամբողջությամբ բավարարել և գումարը բավարար լինի, բայց դրանք կարող են լարվածությունը մեղմել: Գումարը կապված է նվազագույն զամբյուղի շեմի հետ, որը նաև նպաստների համար է սահմանված: Քանի որ հնարավոր չէ կանխատեսել, թե ինչքան այս վիճակը կշարունակվի՝ ավելի մեծ ֆինանսական աջակցության մասին դեռ չենք կարող մտածել:

Մ. Գրիգորյան- Մենք հայտարարեցինք, որ իրավիճակային քաղաքականություն է վարվում, որը ճիշտ է և օրվա տրամաբանությունից բխող քաղաքականություն է: Միջոցառմանը գնահատական տալ որպես մշտական, կարծում եմ, տեղին չի լինի, որովհետև այսօր մենք ամեն օր ենք մտածում այդ մասին: Չէի ցանկանա, որ բոլորն ադապտացվեն այս միջոցառումների պայմաններին, բայց վաղը, մյուս օրը, այնուամենայնիվ, իրավիճակից կախված, որևէ մեկը չի բացառում, որևէ նոր, այլ պայմաններով հերթական միջոցառման փաստը: Որոշակիորեն սահմանափակված ռեսուրսների պայմաններում մենք պետք է գործենք թիրախավորված։:

Հարց- Նախկին փոխվարչապետ Վաչե Գաբրիելյանը հայտարարել է, որ պետական պարտքի ավելացումը պետք է։

Մ. Գրիգորյան- Ես ոչ մի խնդիր չեմ տեսնում պետական պարտքի ավելացման հետ կապված, բայց թվային գնահատականներ սահմանել՝ ելնելով այն իրավիճակից, որ ունենք այսօր, կարծում եմ դեռ վաղ է դրա մասին մտածել: Կան սցենարներ, բայց չէի ցանկանա հնչեցնել դրանց պահի և չափի վերաբերյալ որևիցե ավելի հստակ տեղեկություններ։:

Հարց- Մարտի 30-ին դիմել էիք «Գազպրոմի» ղեկավարին՝ սահմանին գազի գնի նվազեցման հարցով բանակցություններ սկսելու համար: Կխնդրեի նշել, թե ինչպե՞ս է ստացվում, որ 165 դոլարից 142 դոլար պետք է նվազի գազի գինը սահմանին, որպեսզի գործող սակագինը պահպանվի ,եթե 2019 թ. սահմանին գինը թանկացել էր 15 դոլարով և եթե հիմա հաջողվի իջեցնել 23 դոլարով, արդյո՞ք Հայաստանի սպառողի համար սակագնի նվազում չպետք է լինի:

Մ. Գրիգորյան- Այդտեղ կա հարկերի հաշվարկման հարց, դրանով է պայմանավորված սահմանի 15 և իմ հնչեցրած 23 դոլարի տարբերությունը: Բայց այստեղ խնդիրը նաև պետք է ավելի ընդարձակ տեսնենք, որովհետև այն հայտը, որը ներկայացվել է «Գազպրոմ Արմենիայի» կողմից, ենթադրում է ներդրումներ, որոնց իրականացնելու կամ չիրականացնելու մասին գնահատականը կտրվի այն ժամանակ, երբ սկսենք հայտի վերաբերյալ քննարկումները հանրային կերպով։ Եւ  բոլորի համար հասկանալի դառնա, թե ինչ ներդրումների մասին է խոսքը և ինչ նշանակություն կունենան այդ ներդրումներն ապագայի համար: Իսկ հանդիպման մասին դեռ պատասխան չկա, կլինի ավելի ուշ՝ ռուսական կողմից: