Ձեր վստահելի աղբյուրը

«Երեկ և այսօր քննարկել ենք և եկել համոզման, որ անխուսափելի է, մենք պետք է արտակարգ դրությունը երկարացնենք»,- Ֆեյսբուքյան ուղիղ եթերում հայտարարեց վարչապետ Նիկոլ Փաշինյանը։

Նա նշեց, որ երկուշաբթի կամ երեքշաբթի կառավարությունը որոշում կկայացնի, ԱԺ-ում տեղի կունենա հատուկ նիստ քննարկելու արտակարգ դրության հարցը։

Վարչապետի խոսքով,  անհրաժեշտ է արտակարգ դրությունը երկարացնել վարակի հետագա  տարածումը կանխարգելելու համար։

«Հասկանում ենք, որ մենք հնարավորինս մեր տնտեսական կյանքը կարողանանք պահպանել, որովհետև չենք կարող ամբողջությամբ փակվել։ Այդ պատճառով որոշել ենք արտակարգ դրության նոր երկարացման պայմաններում,  ավելի ճիշտ երկուշաթի օրվանից, մի շարք  գործունեության տեսակներ կլինեն ամբողջությամբ թույլատրված, որոշակի ծրագրով կմոտենանք նաև այլ գործունեության տեսակներ թույլատրելու հնարավորություններին»,- ասաց վարչապետը։

Նա նշեց, որ ամբողջությամբ թույլատրված կլինի գյուղատնտեսոթյան, անտառային տնտեսության, ձկնաբուծություն գործունեության տեսակները, հանքարդյունաբերություն, էլեկտրականություն, ջրամատարարակում, կոյուղի, փոխադրումներ և պահեստային տնտեսություն, ֆինանսական և ապահովագրական գործունեություն, պետական կառավարաման և պաշտպանության, սոցիալական ապահովության ոլորտները և այլն։ Ապրիլի 13-ից ամբողջությամբ կթույլատրեն բացօթյա շինարարական գործունեությունը, ծխախոտային արտադրատեսակների արդյունաբերությունը, ապրիլի 20-ից հետո՝ տեքստիլ, հագուստի արտադրության ոլորտը, տնտեսական խանութների գործունեությունը։

Վարչապետն ասաց, որ առաջիկա մեկ ամսում Հայաստանում նշվում են կարևոր ու սրբազան նշանակության տոներ ու հիշատակի օրեր։ Նրա խոսքով, միջոցառումներին քաղաքացիների մասնակցությունը սահմանափակվելու է, տեղի կունենա միայն արարողակարգային միջոցառումներ։

Ն. Փաշինյանի խոսքով,  առաջիկա շրջանում հանրային տրանսպորտի աշխատանքն ընդհանրապես կարգելվի․ հանրային տրանսպորտը վարակի տարածման առումով ամենամեծ ռիսկայնությունն ունի։

«Այն ոլորտները, որտեղ աշխատանքը թույլատրվում է, այդտեղ սահմանում ենք, որ տրանսպորտային ծախսերն ու փոխադրումների հարցը պետք է հոգան գործատուները, որպեսզի աշխատողների վրա հավելյալ ճնշումներ չլինեն։ Գոնե առաջիկա շաբաթվա համար միջմարզային երթևեկությունն էլ է արգելվելու։ Տաքսիները կարող են գործել։ Ոչ կանոնավոր ուղևորափոխումները նույնպես կարող են գործել, անձնական փոխադրամիջոցումները, սահմանափակումների շրջանակում,  նույնպես կթույլատրվի»,- ասաց նա։

Ն.Փաշինյանն ասաց, որ աշխատանքի բավականին լայն շրջանակների համար հնարավորություն են ստեղծում, սակայն խստիվ պետք է հետևել բոլոր կանոններին։

«Ընդգծեմ՝ այն, որ մենք հիմա հիվանդացության համեմատաբար փոքր թիվ ունենք և գործունեության նոր հատվածներ ու հնարավորություններ ենք ստեղծում, չի նշանակում, թե մեր վիճակը  լավացել է։ Ոչ, մեր վիճակը համաճարակային առումով կայունացել է, բայց չի լավացել, ընդհանուր առմամբ  ցանկացած պահի կարող ենք ունենալ հիվանդության նոր բռնկում, որը մեզ համար ավելի մեծ դժվարություններ կստեղծի»,- նշեց վարչապետը։ 

Նա հայտնեց, որ երեկվանից այս պահը կորոնավիրուսի վարակման 30 դեպք են ունեցել,  13 մահ։ Վարչապետի խոսքով, մահացած քաղաքացիների միջին տարիք 76,2 է, վանդների՝ 42 տարեկան։

«Այս վիճակագրությունը նույնպես մեզ հաստատում է  այն տեղեկատվությունը, որ կորոնավիրոսը վտանգավոր է առանձանապես բարձր տարիքի մեր քաղաքացիների համար»,- ասաց Ն. Փաշինյանը։