Ձեր վստահելի աղբյուրը

«Երևանում ախտահանվում են բոլոր վարչական շրջաններում բազմաբնակարան շենքերի մուտքերը, վերելակներն ու վերելակների սրահները։  Այդ աշխատանքներն արվում են քաղաքապետարանի վարչական շրջանների ու համատիրությունների միջոցով»,- ասուլիսում հայտարարեց Վարակի կանխարգելման գործողությունները համակարգող Երևանի օպերատիվ շտաբի ղեկավար, քաղաքապետի տեղակալ Սերգեյ Հարությունյանը։

Հարց. Նկատեցիք, որ կան վարչական շրջաններ, որոնց շենքերի մուտքերում ախտահանման աշխատանքեր էին իրականացվում։ Ինչո՞ւ այդ գործընթացը չի իրականացվում բոլոր վարչական շրջաններում։

Պատասխան. Այս մասին բազմիցս խոսվել է։ Քաղաքապետարանի ֆեյսբուքյան էջում պարբերաբար տեղադրվում են տեսանյութեր, թե որ վարչական շրջանում ինչ է արվել։ Բազմաբնակարան շենքի մուտքի ախտահանման աշխատանքները կարող են լինել անտեսանելի, մի քանի րոպե, մարդիկ մտնում են, հատուկ նյութերով  ախտահանում են։ Հիմնականում կատարվում են առավոտյան շուտ, նորմալ է, որ մեր քաղաքացիները չեն նկատում։ Հորդորում եմ՝ այն հասցեները, որտեղ իրականում չեն արվել ախտահանման աշխատանքներ, տրամադրեք քաղաքապետարանին կամ վարչական շրջանների թեժ գծերին զանգահարել։ Եթե ինչ-որ մի տեղ թերացել են կամ ինչ-որ պատճառով չի կատարվել, ուշադրություն կդարձնենք,  անպայման իրականացվի ախտահանում։ Ցուցումը նույնն է՝ պարտադիր օրական մեկ անգամ առավոտյան պետք է ախտահավեն վերելակները, մուտքերն իրենց դռներով ու բռնակներով։

Հարց. Այս ընթացքում, երբ քաղաքի ծանրաբեռնվածությունը քիչ է կապված վիրուսի հետ, կարմիր գծերի տուգանքները կհանվե՞ն, թե՞ ոչ։

Պատասխան. Չեմ կարող պատասխանել այդ հարցին, որովհետև չգիտեմ իրավական առումով ինչու պետք է հանվեն։
Ցավոք սրտի, նկատել եմ, որ քաղաքում վարորդները գիտակցելով, որ մեքենաների քանակը քչացել է, շատ ավելի վթարային և արկածախնդիր ֆորմատով են վարում մեքենաները, խախտումները, որ տեսոնում եմ, սովորական ժամանակ չէին արվում։

Հարց. Չեն նկատվում կանգառների և շենքերի ախտահանումները լայնամասշտաբ առումով, կա՞ն մասնավոր տեսանկարահանումներ, որ կատարվում են ախահանումներ։

Պատասխան. Լայնաֆորմատ ախտահանման տարբերակն, ինձ թվում է, լրագրողը նկատի ունի այն մի քանի հրապարակումները, որոնք արվել են Վրաստանի մայրաքաղաքում կամ Չինաստանում, հատուկ մեծ քանակով տեխնիկա է բերվել, մարդիկ են բերվել ու նկարահանվել է։ Ախտահանումը կատարվում է, լայնաֆորմատության հարցը... մարդիկ համեստ կատարում են իրենց գործն ամենօրյա ռեժիմով, մասնավոր նկարահանումները կարող եք տեսնել քաղաքապետարանի ֆեյսբուքյան էջում։
Անկախ նրանց, թե ինչ սարքով են ախտահանումները կատարվում՝ մեծ է, թե փոքր, փչում է հեղուկը կամ ծառերը սրսկելու տեխնոլոգիայով է արվում, կարևորն այն է, որ այդ նյութն այդ մակերեսը պատի։

Հարց. Վարչապետ Նիկոլ Փաշինյանը հանձնարարել է ներկայացնել արտակարգ դրության ռեժիմի երկարաձգման կառավարության որոշման նախագիծ։ Ստացվում է, որ երթուղայինները շարունակելու են չաշխատել, քննարկում եղե՞լ է վարորդների հետ,  ինչ-որ կեպ նրանց նյութական օգնություն ցուցաբերելու հարցն օրակարգում  կա՞։ Արդյոք կառավարության ընդունած 10 միջոցառումներից որևէ մեկը կարող է վերաբերել նրանց։

Պատասխան Պաշտոնական ինոֆորմացիա չունեմ այս առումով։ Ինչ վերաբերում է վարորդների հետ քննարկումներին, քաղաքապետարանում չի եղել քննարկում, չունեմ նման ինֆորմացիա։ Մեր ենթակայության տակ գործող «Ավտոբուս» ՓԲԸ-ն արտակարգ դրությամբ պայմանավորված  բուժհիմնարկների աշխատողներին օրական 3-4 անգամով տանում են գործի, բերում տուն։

Հարց. Վարչապետ Նիկոլ Փաշինյանը հանձնարարել է ներկայացնել արտակարգ դրության ռեժիմի երկարաձգման կառավարության որոշման նախագիծ։ Ստացվում է, որ երթուղայինները շարունակելու են չաշխատել, քննարկում եղե՞լ է վարորդների հետ,  ինչ-որ կեպ նրանց նյութական օգնություն ցուցաբերելու հարցն օրակարգում  կա՞։ Արդյոք կառավարության ընդունած 10 միջոցոռումներից որևէ մեկը կարող է վերաբերել նրանց։

Պատասխան .Պաշտոնական ինոֆորմացիա չունեմ այս առումով։ Ինչ վերաբերում է վարորոների հետ քննարկումներին, քաղաքապետարանում չի եղել քննարկում, չունեմ նման ինֆորմացիա։ Մեր ենթակայության տակ գործող «Ավտոբուս» ՓԲԸ-ն արտակարգ դրությամբ պայմանավորված  բուժհիմնարկների աշխատողներին օրական 3-4 անգամով տանում են գործի, բերում տուն։

Հարց. Երևանում  կոնտակտավոր անձանց քանի՞ մեկուսարան կա, Երևանի քաղաքապետարանի ենթակայության տակ գտնվող  բուժհաստատություններից քանի՞սը ու որո՞նք են առանձնացված միայն կորոնավիրուսով հիվանդ մարդկանց համար։

Պատասխան. Երևանի քաղաքապետարանի ենթակայության  տակ մեկուսարան չկա, որովհետև այդ բոլոր գործընթացը ղեկավարվում է առողջապահության ու պարետատան կողմից։  Երևանի քաղաքապետարանի կողմից առանձնացվել է Սուրբ Աստվածամայր ԲԿ-ի ծննդատան հատվածը, որը վերազիննվել է։ Այսօր առավոտյան նոր ստեղծված կենտրոնի ղեկավարը հարցազրույց էր տալիս, պատմում էր, որ շուրջ 150 մահճակալ ունեն, զուտ կորոնավիրուսով հաստատված ծանր և միջին ծանրություն ունեցող դեպքերին է ծառայելու։

Հարց. Արդյո՞ք ախտահանման աշխատանքներ իրակացավում են տաքսիներում, այս մեկ ամսում երբևէ չենք նկատել, որ ախտահանվեն այդ մեքենաները, վարորդներն էլ առանց դիմակների ու ձեռնոցների են  տեղափոխում ուղևորներին։ Դա ընդունելի՞ է ըստ ձեզ։

Պատասխան. Ըստ իս, իհարկե, ընդունելի չէ։ Նորից գալիս ենք անձնական ինքնագիտակցության և անձնական պատասխանատվության հորդորին։ Դիմակ կրելը մեր բոլորի պարտավորությունն է, երբ գտնվում ենք փակ տարածքում, մեր ու դիմացինի անվտանգության համար։
Տաքսիները մասնավոր սեկտոր են, երբևէ կանոնակարգված ու հաշվառված չեն։ Իրենց պետք է ընդամենը հորդորել ու տեղեկացնել։ Ինքս անձամբ տեսել եմ, որ բազմաթիվ վարորդները հեղուկով մեքենայի սրան էին մաքրում, բռնակները։