Ձեր վստահելի աղբյուրը

Քաղաքացիական ավիացիայի կոմիտեի նախագահ Տաթևիկ Ռևազյանը և նախագահի տեղակալ Գալուստ Պողոսյանը այսօր օնլայն հարթակի միջոցով պատասխանել են քաղաքացիների հարցերին:

Հարց. «Քաղավիացիայի կոմիտեի վերաբերյալ Եվրոպական միության կազմակերպությունը եզրակացրել էր, որ վերջին երկու տարում հավուր պատշաճի չի կատարել իր պարտականությունները: Ի՞նչ եք արել դուք և ձեր ղեկավարած կառույցը և ի՞նչ թերություններ եք վերացրել»:

Տ. Ռևազյան. «Վերջերս կոմիտեի մասին սխալ տվյալներ են շրջանառվում և այս հարցը դրա օրինակն է: Իրականում այդ զեկույցում, որը մեր մասին պատրաստել է Եվրոպայի Միությունը, որևէ ձևով նշված չէ, որ թերությունները վերջին երկու տարվա ընթացքում են հայտնաբերվել: Կոնկրետ թերություններ են նշվում, որոնք արձանագրվել են այցի ընթացքում, որը տեղի է ունեցել փետրվարի 3-ից 7-ը: Հակառակը, կարող եմ ասել, որ մենք ունենք հայտարարություն իրենց կողմից, որը մենք կարող ենք հրապարակել, որտեղ նշվում է այն, որ դրանք ընդհանրապես կապ չունեն կոմիտեի նոր ղեկավարության հետ: Իսկ թե ինչ թերություներ են հայտնաբերվել կպատասխանի պարոն Պողոսյանը»:

Գ. Պողոսյան. «Ավիացիոն ոլորտը շատ կարևոր ոլորտ է և սա հաստատում է այն փաստը, թե մեր հանրությունը ինչքան է հետաքրքրված և ինչ քանակությամբ հարցեր են ուղղել: 2019 թվականից եմ նշանակվել նախագահի տեղակալ: Հայտնաբերված թերությունները բազմաբնույթ են և մի քանի օրինակ կարող եմ բերել: Օրինակ, մենք պարտավոր էինք  ու պետք է ներդնեինք զեկույցների համակարգ, որը կարգավորվում է թե Եվրոպական անվտանգության գործակալության, թե Միջազգային ավիացիոն կազմակերպության միջոցով: Գոյություն ունեն պարտադիր և կամավոր զեկույցների համակարգեր բոլոր իրադարձությոնների վերաբերյալ: Իրականում այն ներդրված չի եղել, կարելի է ասել, որ սա թերություն է և միանշանակ պետք է շտկվի: Զեկույցները ներկայացվել են միայն լուրջ միջադեպերի ժամանակ: Ընդ որում յուրաքանչյուր իրադրության վերաբերյալ պետք է ներկայացվեին զեկույցները և խորը ուսումնասիրութուներ իրականացվեին այդ զեկույցների վերաբերյալ:

Խնդիրներից մեկն այն է, որ կա պահանջ որպեսզի իրականացվի մարդ-անհրաժեշտություն-աշխատանք համադրություն, որպեսզի կոմիտեն հասկանա, թե ինչ ծավալի աշխատանքի կարիք ունի և ինչ քանակությամբ մասնագետներ են պետք: Ընդանուր առմամբ` աշխատանքները կատարվել են, բայց այն միասնական չեն եղել: Այսինքն՝ տարբեր վարչություններ տարբեր մոտեցումներ են ունեցել, որը ևս խնդիրներից մեկն է եղել, այն պետք է ընդհանուր լիներ:
Խնդիրներից մեկը կարող եմ նշել, որ  մոտեցումները չեն եղել միասնական, որ աշխատանքը մի ձևով կազմակերպվի, այլ ոչ թե բաժանված լինի տարբեր վարչությունների վրա: Մյուսը՝ որ ամեն ինչ պետք է արձանագրվի և ամեն ինչի  վերաբերյալ լինեն փաստարկներ: Շատ աշխատանքներ կատարվել են կոմիտեում, այնպես չէ, որ աշխատանքներ չեն կատարվել, ողղակի դրանք եղել են զուտ հանդիպումների ընթացքում և դրանք չեն արձանագրվել, որը մտահոգություն է առաջացրել եվրոպական կառույցների կողմից: Կփորձենք անդրադառնալ թերություններին և պարզել, թե ինչ է եղել իրականությունը»:

Տ. Ռևազյան.  «Հարցին, թե ինչքան արագ կարող եք այս խնդիրները լուծել, պատասխանեմ, որ այստեղ մտածելակերպի խնդիր է: Կարելի է հարցը արագ հեռախոսով լուծել, բայց շատ կարևոր է այդ ամենն արձանագրվի:  Մենք պետք է կարողանանք ունենալ այն տվյալները, թե 5 տարի առաջ կոմիտեն ինչ խնդիրներ է ունեցել, բայց այդ տվյալները չեն հավաքագրվել: Աշխատել են առանձին: Շատ դժվար է ասելը թե մտածելակերպ փոխելը ինչքան ժամանակ կպահանջի: Բայց այդ փոփոխությունները նկատվել են, մասնագետներ են հրավիրվել դրսից, որ մեզ աջակցել են և աշխատակիցները արդեն սկսել են ուրիշ ձև մտածել ու աշխատել:

Ի՞նչ ենք մենք արել, որպեսզի փոխենք իրավիճակը: Շատ լուրջ քայլեր ենք արել: Նոյեմբեր ամսին մենք գնացել էինք Բրյուսել՝ անվտանգության նիստի: Այնտեղ ներկայացրել ենք, թե ինչ քայլեր ենք անելու, որ իրավիճակից դուրս գանք: Հիմնական շեշտադրումներից մեկեկն այն էր, որ մենք ունենք ավիաընկերություններ, որոնք գրանցված են Հայատանում, բայց չվերթներ են իրականացնում Աֆրիկայի տարբեր պետություններում: 

Իրենք ասում են, որ դուք չեք կարողանում պատշաճ տեսչական ստուգումներ անել Հայաստանում, ապա ինչպես եք այդ ստուգումներն իրականացում Աֆրիկայում: Մենք սկսեցինք ուսումնասիրել այդ գործառույթը և տեսանք, որ շատ լուրջ խնդիր  կա: Մենք որպես կոմիտե. որևէ ժամանակահատվածում չենք ունեցել ուղիղ կապ աֆրիկյան պետությունների քաղավիացիաների հետ, սպասել ենք, թե այդ ընկերությունը երբ է կազակերպելու մեր այցը: 100 տոկոս անկախ ստուգումներ չենք կարողացել իրականացնել:

Հաշվի առնելով, որ պատշաճ չենք կարող իրականացնել այդ գործառույթը, մեն կոնկրետ քայլեր ենք արել՝ որպեսզի ապագայում ավիաընկերությունները չկարողանան գրանցվել Հայաստանում և չվերթներ իրականացնել Աֆրիկայում: Սա ապագայի մասով, իսկ ներկայում մենք լուրջ միջադեպեր ենք ունեցել Աֆրիկայում: Կոնկրետ քայլեր ենք արել, որ արտահերթ ստուգումներ կազմակեպենք, որի արդյունքում «Արմավիա» ընկերությունը կասեցվել է հետո փակվել: Հիմա «Մարսավիան» է կասեցվել և եթե վաղը մեզ չներկայացնի, որ վերացրել է այդ խնդիրները, ապա մայիսի 1-ին այդ ընկերությունը կփակվի: Սա նշանակում է, որ մենք այլևս չենք ունենա ավիաըկերություններ, որոնք թռիչքներ են իրականացնելու Աֆրիկայում:

Սա շատ լուրջ քայլ է և կարողացել ենք անել, քանի որ ներգրավվել ենք մասնագետներ Հոլանդիայից: Եկել մեր տեսուչներին ուղղություն են տվել, թե ինչպիսի փոփոխություններ պետք է իրականացնենք մեր տեսչական մարմիններում, որպեսզի բոլո խնդիրները տեսնենք, որոնք կարող են թռիչքային անվտանգության վրա ազդեն: Այսօր արդեն բարձարացել է տեսչական ստուգումների մակարդակը, բայց դեռ երկար ճանապարհ ունենք գնալու: Ոլորտի մասնագետները բարձր վարձատրվող են և չեն ցանկանում կոմիտեում աշխատել:

Մենք փոխտնօրենի հետ  խոսել ենք 80-ից ավել պետությունների հետ այս թեմայի շուրջ և հասկացել ենք, որ  ճիշտ ճանապարհը ինքնաֆինանսավորումն է՝ գանձել գումար մեր ծառայությունների համար: Այդ ամենը իրականացնելու համար օրենսդրական փոփոխություններ պետք է անենք և երեք մասնագետ ենք ներգրավելու, ովքեր կօգնեն այդ փաթեթը ներկայացնել ԱԺ: ԵՄ-ի կողմից ասվել է, որ այն հիմնական հարցն է և շատ խնդիրներ նրանից են, որ մենք չենք կարողանում ճիշտ մարդկանց ներգրավենք մեր կառույցում՝ ռեսուրսների պակասի պատճառով: Վերջերս, հասկանալով որ այն մեկ խնդիր չէ, երկուսը չէ, այլ համակարգային խնդիր է մեր մոտ, մենք որոշել ենք, որ անկախ թիմ ենք ներգրավելու մեր կոմիտեում և նրանք չեն զբաղվելու ընթացիկ հարցերով: Այսինքն` հիմնական  աշխատակիցները կզբաղվեն ընթացիկ հարցերով, իսկ այս խումբը ռազմավարական հարցերով է զբաղվելու, որպեսզի լուրջ փոփոխություններ բերենք և կոմիտեն ավելի ճիշտ հիմքի վրա կառուցենք»:

Հարց. «Տիկին Ռևազյան, որտեղ եք, եբ եք վերադառնալու աշխատանքի»:
Տ. Ռևազյան.  «Ես հիմա Դանիայում եմ, Կոպենհագենում, որտեղ իմ ընտանիքն ու ծնողներն են: Դեկրետում եմ, բայց աշխատում եմ՝ հաշվի առնելով կորոնավիրուսը և թռիչքային անվտանգության խնդիրները: Դա իմ որոշումն է եղել, որ շարունակեմ աշխատելը:  Ինձ լավ եմ զգում, ոչ մի խնդիր չկա: Իրականաում ես կվերադառնամ ինչքան հնարավոր է շուտ: Երեխան մի քանի ամսական լինի, ես կուզենամ վերադառնալ, բայց կախված է թռիչքներից, որովհետև որևէ թռիչք չկա»: