Ձեր վստահելի աղբյուրը

Կորոնավիրուսի համաճարակի օրերին ամենաանվտանգ երկիրն Իսրայելն է, գրում է «Լենտա.ռու»-ն՝ հղում տալով «Deep Knowledge Group» փորձագետներին։

Վերջին տվյալների համաձայն, պետությունը ստացել է ամենաբարձր գնահատականը՝ պետական կառավարման, ինչպես նաև հիվանդության հայտնաբերման և բուժման արդյունավետության առումով։

«Այն փաստը, որ Իսրայելը հաջողում է համաճարակի դեմ պայքարում, զարմանալի չէ, քանի որ երկիրը գտնվում է մշտական ճգնաժամի պայմաններում և ունի մեծ փորձ՝ սահմանները փակելու և արտակարգ իրավիճակներին արձագանքելու առումով»,- ասել են փորձագետները:

Կորոնավիրուսի տարածման ֆոնին անվտանգ երկրների ցուցակում է նաև Գերմանիան։ Համեմատած եվրոպական մյուս երկրների հետ, Գերմանիան գրանցել է լավ ցուցանիշներ և, ըստ վերլուծաբանների, համաճարակից հետո այն կունենա տնտեսական մեծ օգուտներ։ Ցուցակի երրորդ տեղում Հարավային Կորեան է։