Ձեր վստահելի աղբյուրը

Կառավարության մամուլի սրահում լրագրողները հարց ուղղեցին Հայաստանի ԱԳ նախարար Զոհրաբ Մնացականյանին` «Սերգեյ Լավրովը հայտարարել է, որ ակտիվ քննարկվում են նախորդ տարի Մոսկվայում Հայաստանի, Ադրբեջանի, Ռուսաստանի արտաքին գերատեսչությունների ղեկավարների հանադիպմանը ներկայացված առաջարկությունները, որոնք ենթադրում են  լուծման փուլային տարբերակը: Ինչպե՞ս կմեկնաբանեք այս հայտարարությունը, ի՞նչ փաստաթղթի և ինչ կարգավորման մասին է խոսքը»:

Զոհրաբ Մնացականյանը հայտնեց, որ ինքն էլ է լսել այդ մեկնաբանությունը և հավաստիացրեց, որ այս երկու տարիների ընթացքում թե  ինքը, թե վարչապետ Փաշինյանը եղել են թափանցիկ և դիրքորոշումներն արտահայտել են շատ պարզ. «Այո այդ մեկնաբանության մեջ եղել են հղումներ բազմաթիվ փաստաթղթերի: Սկսած Քի Վեսթից, մինչև վերջերս: Խոսք է գնացել է նաև այն մասին, թե ինչ փաստաթղթի մասին է գնացել խոսքն այս երկու տարիների ընթացքում: Եկեք լինենք շատ հստակ: Նման մոտեցումներ ի հայտ են եկել 2014 և 2016 թվականներին և այդ մոտեցումներն ընդունելի չեն եղել հայակական կողմերի համար: 2018 թվականից ի վեր քննարկումները սահմանափակվել են առանձին տարրերի շուրջ կողմերի մոտեցումների քննարկման գնահատման վերաբերյալ: 2014 թվականի առաջարկած տարբերակն այսօր բանակցային սեղանի փաստաթուղթ չէ»:

Նա պնդեց, որ հստակ խոսել են  դիրքորոշումների մասին, որտեղ հայկական կողմի համար ընդգծված առաջնային գերակայություն է անվտանգության բաղադրիչը:

«Այն, ինչը որ վերաբերվում է, ինչպես մեկնաբանության մեջ նշված է, տարածքներին՝ ամենից բացի, դա անվտանգության գոտի  է և պաշտպանական գծեր: Որև կերպ, որևէ հայկական կողմ չի կարող ենթադրել նույնիսկ, որ հնարավոր է վերանայել դա՝  վտանգի տակ դնելով Արցախի բնակչության անվտանգությունը: Որևէ կերպ անհնար է ենթադրել, որ հայկական կողմերից որևէ մեկը կարող է գնալ զիջումների, որոնք կարող են վտանգի տակ դնել Արցախի բնակչության անվտանգությունը» ,-նշեց նախարարը:

Անդրադառնալով բանակցությունների երկրորդ  տարրին՝ Մնացականյանը նշեց, որ հիմնական սկզբունքների մեջ գոյություն ունի ինքնորոշման սկզբունը, որ հայկական կողմերի համար առաջնային և գերակա տարրն է բանակցային գործընթացում. « Դա մենք բազմիցս որակել ենք անվտանգություն և ստատուս: Հիմա ես բաց կերպով ասում եմ, որ ինքնորշման իրավունքի արտահայտումը  նշանակում է ստատուսի հստակեցում՝ առանց ազատ կամաարտահայտության իրավունքի սահմանափակումների: Խաղաղ կարգավորումը հնարավոր է փոխզիջումների միջոցով: Զիջումներ չեն եղել ու չեն լինելու: Հայկական որևէ կողմ երբևէ չի ստանձնելու որևէ նման մոտեցում, որը ենթադրի անվտանգության խափանում, ԼՂՀ-ի բնակչությանը անվտանգության սպառնալիք ստեղծելու: Առավել ևս, որ այդ սպառնալիքը մնում է ռեալ և էքզիստենցիալ»:

Հայաստանի արտաքին գործերի նախարարը շեշտեց նաև, որ այկական կողմերիի համար առավել քան առաջնային է ինքնորոշման իրավունքի արտահայտումը բանակցային գործընթացում և փոխզիջումները պետք է լինեն համաչաթ, որի մեջ հայկական կոմղերը տեսնում են անվտանգության և սատուսի տարերի լիարժեք արտահայտություն:

«Սա եղել է հայկական կողմի մոտեցումը, մնացել է հայկական կողմի մոտեցումը:  Եթե որևէ մեկը ենթադրում է, որ մենք կարող ենք բանակցությունների ժամանակ մի բան անել և մի ուրիշ բան խոսել հասարակության հետ խորապես սխալվում է»,- շեշտեց Մնացականյանը:

Նկատելով, որ Հայաստանը  ներգրավված է բանակցություններին իր մասով և իր մասով ամբողջովին տանելու է այն, նախարարը հայտարարեց, որ միևնույն ժամանակ Հայաստանի իշխանությունները չունեն մանդատ Արցախի ժողովրդից ստացած, իսկ Արցախի վերջին ընտրությունների ժամանակ մրցակցային ժողովրդավարական ընտությունների ընթացքում Արցախի իշխանությունները ստացել է  համապատասխան մանդատը:

«Որևէ, որոշում, որ ընդունվում է Արցախի ժողովրդի վերաբերյալ, չի կարող ընդունվել առանց արցախի ժողովրդի կարծիքի»,- հայտարարեց Մնացականյանը և հավելեց, որ իր գործընկերը ներկայացրել է իր մոտեցումը, ինքն էլ ներկայացնում է  իր մոտեցումը: