Ձեր վստահելի աղբյուրը

Իսրայելի վարչապետ Բենյամին Նեթանյահուն և ընդդիմության առաջնորդ Բեննի Գանցը համաձայնել են միավորվել, ի դեմս կորոնավիրուսի, և ստեղծել «արտակարգ» կառավարություն: Այս մասին գրում է Euronews-ը։

Նախօրեին երկու կողմերի համատեղ հայտարարության մեջ նշված նոր գործարքը նաև նշանակում է, որ մեկ տարում չորրորդ ընտրություն չի լինի:

Ըստ տեղական ԶԼՄ-ների, գործարքը կարող է ընդգրկել առաջիկա երեք տարիները և, ամենայն հավանականությամբ, Նեթանյահուն կպահի իշխանությունը  ժամանակահատվածի առաջին կեսի համար, իսկ երկրորդ կեսում՝ բանակի նախկին ղեկավար Գանցը:

Այս գործարքը կայանում է երկու կողմերի համար քաղաքական փակուղային պայմաններում, երբ երկուսից ոչ մեկը չկարողացավ կազմել կառավարություն։

Բանակցությունների արդյունքում, հավանաբար, երկու կողմերն էլ գնացել են զիջումների, որում  կենտրոնական է եղել Նեթանյահուի կոռուպցիոն դատավարության վրա, որը սկսվում է հաջորդ ամիս:
Նեթանյահուն կանգնած է մի շարք մեղադրանքների, այդ թվում կաշառակերության, վստահության խախտման և խարդախության համար։ Նրան մեղադրում են նաև համաճարակն օգտագործելու մեջ՝ արդեն իսկ հետաձգված դատավարությունից խուսափելու համար:

Վարչապետը հերքում է որևէ անօրինական գործողություն, և փոխարենը իր հետաքննությունը որակում է որպես «հեղաշրջման փորձ» և «կեղծ դավադրություն՝ անպիտան և ողբերգական» հետաքննությունների գործընթացում:

Մինչդեռ, Գանցը և նրա Կապույտ և Սպիտակ կուսակցությունը նախկինում ասել էին, որ նրանք երբեք չեն գործելու Նեթանյահուի կառավարության ներքո։ Նա անցած ամիս փոխեց այս մարտավարությունը՝ ընտրություններից ու համաճարակի սկսվելուց հետո։